WUNPAWNG PHOTOS

နောက်ဆုံးရ သတင်းများ



မော်ဒယ်ခေတ်ဦးတည်းက သီးသန့်မော်ဒယ်အဖြစ် ရပ်တည်လာခဲ့ပြီး အောင်မြင်နေချိန်မှာပဲ နိုင်ငံခြားကိုထွက်ခွာသွားခဲ့တဲ့ သန္တာလှိုင်ဟာ ၂၀၀၉ နှစ်ကုန်ပိုင်းမှာ မြန်မာနိုင်ငံကို ပြန်လာခဲ့ပါတယ်။ ခုလို အိမ်ထောင်ကျပြီး ပြန်ရောက်လာချိန်မှာလည်း ပရိသတ်တွေ အားပေးမှုရရှိထားပြီး အနုပညာအလုပ်တစ်ဖက်၊ စီးပွားရေးအလုပ်တစ်ဖက် ပြန်လည်အစပျိုး လုပ်ကိုင်ခဲ့ပါတယ်။ ၂၀၁၃ မှာတော့ သူမ ကျွမ်းကျင်တတ်မြောက်တဲ့ အသက်မွေးဝမ်းကျောင်းနဲ့ သက်ဆိုင်တဲ့ စီးပွားရေးလုပ်ငန်းတစ်ခုကို လုပ်ကိုင်နေပြီး မော်ဒယ်လုပ်ငန်းကိုလည်း စိစစ်ပြီး လုပ်ကိုင်နေပါတယ်။ မော်ဒယ်တစ်ယောက်အနေနဲ့ ပြည်တွင်းမှာသာမက နိုင်ငံတကာမှာ ၀င်ဆံ့အောင်မြင်ခဲ့တဲ့ မော်ဒယ်သန္တာလှိုင်နဲ့ ယနေ့ခေတ် မော်ဒယ်လောက ဖြတ်သန်းမှု၊ ဂယက်၊ ဝေဖန်မှုတွေအကြောင်းကို မေးမြန်းခဲ့ပါတယ်။
မော်ဒယ်၊ စီးပွားရေးလုပ်ကိုင်သူ တစ်ယောက်အနေနဲ့ မြန်မာနိုင်ငံမှာ ပြန်လည်ရပ်တည်ဖြစ်ခဲ့တာ ဘာကြောင့်ပါလဲ။
လူတွေအကုန်လုံးက အခုချိန်ကျမှ ရန်ကုန်ကို အလုအယက် ပြန်လာနေကြတဲ့အချိန်မှာ ကျွန်မက လွန်ခဲ့တဲ့ သုံးနှစ်လောက်ကတည်းက သွားလိုက်၊ ပြန်လိုက်နဲ့ စပြီးအခြေချခဲ့တာပါ။ မီးကလည်းပျက်၊ အိမ်ကလေးကလည်း ကျဉ်းကျဉ်းလေးနဲ့ စီးပွားရေးတစ်ဖက်နဲ့ ကလေးတွေနဲ့ခွဲပြီး ဒီမှာ တစ်ဝက်နေ၊သြစတြေးလျမှာ တစ်ဝက်နေနဲ့ စခဲ့တာ။ အခုချိန်မှာတော့ စောစောပြန်လာတဲ့ အကျိုးကျေးဇူးကို စပြီးခံစားနေရပြီလို့ ပြောလို့ရပါပြီ။
လွန်ခဲ့တဲ့သုံးနှစ်ကျော်မှာ မြန်မာပြည်ကို ပြန်လာခါစတုန်းက အ၀တ်အစားဖက်ရှင်ဒီဇိုင်း လုပ်ငန်းကိုရော ဆက်လုပ်ဖြစ်နေပါသလား။
အ၀တ်အစား ဖက်ရှင်ဒီဇိုင်း လုပ်ငန်းတစ်ခုလုံးကို ရောင်းလိုက်ပါပြီ။ သိပ်ပြီးအောင်မြင်သွားလို့ ရောင်းလိုက်တာတော့ မဟုတ်ပါဘူး။ ကိုယ်မကျွမ်းကျင်တဲ့ လုပ်ငန်းမို့လို့ပါ။ အခုတော့ ကိုယ်ကျွမ်းကျင်တဲ့ပညာနဲ့ပဲ လုပ်ငန်းစဖြစ်တော့ အချိန်တိုတိုအတွင်းမှာပဲ မထင်မှတ်ရလောက်အောင်ကို ခရီးရောက်လာပါတယ်။
ဒီလိုဆိုတော့ အခုလုပ်နေတဲ့ အလုပ်ကရော။
၂၀၁၂ မှာ ကျွန်မနဲ့ ကျွန်မရဲ့စီးပွားဖက်တစ်ဦးနဲ့အတူ မြန်မာပြည်တွင်း ဥပဒေပညာရှင်တွေနဲ့ပေါင်းပြီး ဥပဒေနဲ့ ဖွံ့ဖြိုးတိုးတက်ရေး အကြံပေးလုပ်ငန်းတစ်ခု  လုပ်ကိုင်ခဲ့ပါတယ်။ Australia  University of New England မှာ ဥပဒေရေးရာ အထူးပြုတက်ပြီး ကျောင်းမပြီးခင်လေးမှာ အလုပ်စလိုက်တာပါ။ ကိုယ်ကျွမ်းကျင်ရာမို့လို့လည်း အလုပ်တွေအားလုံး အချိန်တိုအတွင်းမှာ အဆင်ပြေပြေနဲ့ အံဝင်ခွင်ကျဖြစ်လာတာပါ။ Modelling နဲ့ ပတ်သက်တဲ့ လုပ်ငန်းရှင်တွေ Agency တွေကိုလည်း ကျွန်မရဲ့ရုံးမှာပဲ လက်ခံပြီးတွေ့ဖြစ်ပါတယ်။
မော်ဒယ်ဘ၀၊ စီးပွားရေးလုပ်ငန်းရှင်ဘ၀နဲ့  မိခင်ဘ၀မှာ နေ့စဉ်အချိန်တွေကို ဘယ်လိုစီမံခန့်ခွဲပါသလဲ။
ကျွန်မရဲ့လုပ်ငန်းက ရန်ကုန်မှာ  ရုံးချုပ်မို့လို့ ရန်ကုန်မှာပဲ အချိန်ပြည့်နေဖြစ်တာ ၂၀၁၂ တည်းကပါ။ ကျွန်မရဲ့ကလေးတွေလည်း ရန်ကုန်မှာပဲ ကျွန်မနဲ့နေပါတယ်။ အချိန်ဆိုတာ တကယ်ပေးချင်ရင် အမြဲရှိပါတယ်။ အဲဒီလိုမှ အချိန်ကို အကျိုးရှိအောင် မသုံးရင် ကလေးနဲ့အမေနဲ့က မနက် ကျောင်းမသွားခင်ရယ် ညအိပ်ချိန်ရယ်လောက်ပဲ တွေ့ရမှာလေ။ အချိန်ရရင်ရသလို ကလေးတွေနဲ့ အတူရှိနေပါတယ်။
မော်ဒယ်လုပ်ငန်းအကြောင်း အဓိကမေးချင်ပါတယ်။ မော်ဒယ်ခေတ်ဦးကတည်းက Professional အဖြစ် လုပ်ကိုင်ခဲ့တဲ့ အစ်မရဲ့မော်ဒယ်ဘ၀ ဖြတ်သန်းမှုနဲ့ ဒီနေ့ မော်ဒယ်ဖြတ်သန်းမှုမှာ ဘာတွေ ကွဲပြားခြားနားသွားပါသလဲ။
ဒီကနေ့အချိန်မှာတော့ ကိုယ်က နေရာတစ်ခုကို သီးသီးသန့်သန့် ယူထားတဲ့ မော်ဒယ်တစ်ယောက်အနေနဲ့ ရပ်တည်နေတာ ဖြစ်တဲ့အတွက်ရော၊ နိုင်ငံတကာ အတွေ့အကြုံတွေရှိတဲ့ လက်ဦးမော်ဒယ်ဖြစ်နေတာကလည်းတစ်ကြောင်း၊ ငယ်ငယ်တုန်းက ရပ်တည်ရတာနဲ့တော့ မတူဘူးပေါ့။ နေရာပေးခံရတာချင်းရော၊ လေးစားမှုရော ငယ်ငယ်ကနဲ့တော့ ယှဉ်လို့မရပါဘူး။
မော်ဒယ်တစ်ယောက်ရဲ့ ဂုဏ်သိက္ခာနဲ့ ကျင့်ဝတ်သိက္ခာပိုင်း၊ တန်ဖိုးထားမှုဆိုတာကို နိုင်ငံတကာ မော်ဒယ်အသိုင်းအ၀ိုင်းမှာ ၀င်ဆံ့ခဲ့တဲ့ အစ်မ ဘယ်လိုများ အဓိပ္ပာယ်ဖွင့်ဆိုလိုပါသလဲ။
မော်ဒယ်တင်မဟုတ်ဘဲ လူတိုင်းမှာ ကျင့်ဝတ်နဲ့သိက္ခာဆိုတာ ရှိပါတယ်။ မော်ဒယ်တစ်ယောက်ရဲ့ ဂုဏ်သိက္ခာဆိုတာလည်း လူတစ်ယောက်မှာ ရှိသင့်တဲ့ ဂုဏ်သိက္ခာနဲ့ ဘာမှမကွာပါဘူး။ ပိုတိုးရင်သာတိုးသွားမယ်။ မော်ဒယ်ဆိုတာကျတော့ အားလုံးက ပိုစိတ်ဝင်စားစွာနဲ့ စောင့်ကြည့်ခံရတဲ့ အလုပ်အကိုင်
ဖြစ်နေလို့ပါပဲ။
ယနေ့ခေတ် မော်ဒယ်လို့ ဆိုကြတဲ့ တချို့မြန်မာမော်ဒယ် မိန်းကလေးတွေရဲ့ ၀တ်စားဆင်ယင်မှု၊ ခန္ဓာကိုယ်အစိတ်အပိုင်း ဖော်ပြမှုတွေက မော်ဒယ်ဆိုတဲ့ အသက်မွေးဝမ်းကျောင်းရဲ့ ဂုဏ်သိက္ခာပိုင်းနဲ့တန်ဖိုးကို ယုတ်လျော့စေနိုင်တယ်လို့ ထင်ပါသလား။
အဲဒါဟာ အင်မတန်မေးကြတဲ့ မေးခွန်းပါ။ အခု ကျွန်မမြင်တာက ဂုဏ်သိက္ခာထိခိုက်စရာကောင်းတဲ့ အ၀တ်အစားမျိုး ၀တ်ပြီးတော့ မြန်မာမျက်စိမှာ ကြည့်ရတာ အဆင်မပြေတဲ့ ဆေးလိပ်နဲ့ အရက်ကြော်ငြာကို မိန်းကလေးတွေလုပ်ရင် သူတို့ကိုယ်သူတို့ မော်ဒယ်ဆိုပြီး ဂုဏ်ပုဒ်တပ်လိုက်တဲ့အတွက် မြန်မာလူကြီးအများစုဟာ မော်ဒယ်ဆိုတဲ့ အသက်မွေးဝမ်းကျောင်းကို အမြင်မှားလာစရာ ရှိပါတယ်။ ဆေးလိပ်နဲ့ အရက်ရောင်းတာကို မှားတယ်လို့ ပြောတာမဟုတ်ပါဘူးနော်။ မော်ဒယ်အနုပညာဆိုတာ အင်မတန်ခက်ခဲတဲ့ အလုပ်ပါ။ ကိုယ့်ကိုယ်ကိုယ် မော်ဒယ်လို့ နာမည်တပ်ထားတဲ့ လူတွေကိုပဲ ကြည့်ပြီး သုံးသပ်သွားကြမှာမို့လို့ လွယ်လွယ်ကူကူနဲ့ ဓာတ်ပုံတစ်ခါလောက် ရိုက်ဖူးရင်ဖြစ်ဖြစ်၊ ပြိုင်ပွဲတစ်ခါလောက် ပြိုင်ဖူးရင်ဖြစ်ဖြစ်၊ ကလပ်ထဲမှာ  စင်ပေါ်ခဏလျှောက်ဖူးရင်ဖြစ်ဖြစ် ကိုယ့်ကိုယ်ကိုယ် မော်ဒယ်လို့ နာမည်မတပ်ကြပါနဲ့လို့ဘဲ ကျွန်မ တောင်းပန်ချင်ပါတယ်။
အဖော်အချွတ်ဓာတ်ပုံတွေ အွန်လိုင်းမှာ နေရာယူလာတာဟာ ပြည်တွင်းမော်ဒယ်တွေအပေါ် အမြင်တိမ်းစောင်းမှု ဖြစ်နိုင်ပါသလား။ ဥပမာ စပွန်ဆာရှာတယ်ဆိုတဲ့ အမြင်မျိုး လူမှုရေးပြဿနာတွေနဲ့ ရောထွေးအမြင်ခံရနိုင်ခြေ ပိုများနိုင်ပါသလား အစ်မ။
ပြည်တွင်းမော်ဒယ်အများစုက ဒီလိုပုံတွေ မရိုက်ကြပါဘူး။ မော်ဒယ်အနည်းစုသာ အွန်လိုင်းပေါ်မှာ ညီမပြောတဲ့ ပုံတွေ ရှိနေတာပါ။ အ၀တ်မပါဘဲနဲ့တောင် ညစ်ညမ်းတယ်ဆိုတဲ့ အာရုံမကျန်ခဲ့စေဘဲနဲ့ နူးညံ့သိမ်မွေ့တဲ့ ခံစားမှုလေးကျန်အောင် ရိုက်ပြီးတင်ဆက်နိုင်ရင် အနုပညာမြောက်တယ်လို့  ကျွန်မ ယူဆပါတယ်။ ဒါပေမဲ့ အခုမြင်နေရတာတွေက ဆင်ဆာမရှိတော့ဘူးဆိုတိုင်း အင်္ကျီတော့ ၀တ်ထားပါတယ်။ ပို့စ်က လှုံ့ဆော်နိုးကြွစေတဲ့ ပို့စ်နဲ့ Lighting က ပြေပြစ်မှုမရှိ Composition က ဘာမှပညာသား မပါလည်း Print Add တွေမှာ သုံးနေကြတယ်။ အခု ပြောနေတာက ကျွန်မကိုယ်တိုင်က အဖော်အချွတ်ဓာတ်ပုံတွေ မရိုက်ဘူးဆိုတာနဲ့ သူများ လှလို့ချွတ်ပြီး ရိုက်လို့ရလို့ ရိုက်ထားတာကို မနာလိုစိတ် ထားသလိုမျိုး ဖြစ်သွားမှာပေါ့နော်။ မြန်မာပရိသတ်ဟာလည်း အမြင်ကျယ်လာပါပြီ။ နိုင်ငံကြီး ပွင့်လင်းလာတာနဲ့အမျှ တစ်ကမ္ဘာလုံးက အဆင့်အတန်းမီ ဓာတ်ပုံတွေ၊ ကြော်ငြာတွေမှာ ဘယ်လိုပုံတွေက ညစ်ညမ်းပြီး ဘယ်လိုပုံတွေက မြန်မာ့ယဉ်ကျေးမှုနဲ့ လက်ခံလို့ရသလဲဆိုတာ ခွဲခြားတတ်လာပြီ။ မော်ဒယ်တိုင်း ဒီလိုပုံမျိုး မရိုက်ဘူးဆိုတာလည်း ခွဲခြားတတ်လာပါလိမ့်မယ်။
အစ်မရဲ့ လက်ရှိဘ၀မှာ ဘယ်လို အားသာချက်တွေကြောင့် Career Woman အဖြစ် ရပ်တည်နိုင်တာပါလဲ။
အားသာချက်လို့ ပြောရလောက်အောင် ကျွန်မမှာ ကြီးကြီးကျယ်ကျယ်ပြစရာ တစ်ခုမှ မရှိဘူးထင်တယ်။ Career Woman အနေနဲ့ ရပ်တည်နိုင်တာကတော့ ကိုယ်ဖြစ်ချင်စိတ်ရှိရင် အကုန်ဖြစ်အောင်လုပ်နိုင်တဲ့ လူ့စိတ်စွမ်းအားဆိုတာ လူတိုင်းမှာ ရှိပါတယ်။ အဲဒါကြောင့် ကျွန်မ အခုလောလောဆယ် လုပ်နေတဲ့အရာတွေ အားလုံးဟာ ဒီစိတ်လေးတစ်ခုတည်းကြောင့်နဲ့ ဖြစ်တည်၊ ရပ်တည်နေတာလို့ ပြောရင် ရပါတယ်။ ဥပမာ ဒီနေ့ဆို ကလေးတွေ အိပ်ရာကနိုးတာနဲ့ အငယ်ကောင်ကို နို့ဖျော်တိုက်တယ်။ သမီးအကြီးက ကျွန်မကိုယ်တိုင် ဆံပင်စည်းပေးမှ ကျောင်းသွားတယ်။ ကလေးတွေ ကျောင်းပို့ရင်းနဲ့ ရုံးကို အတူတူထွက်လို့ရတာပေါ့။ ရုံးမှာဆို Appointment တွေ အပြည့်တန်းစီနေတာ။ ညနေ ၄ နာရီလောက်ဆိုရင် ကလေးတွေ အိမ်ရောက်လောက်ပြီဆိုတာ တွေးပြီး အိမ်ပြန်ချင်စိတ်ကို မနည်းထိန်းထားရတယ်။ တစ်ခါတလေ တစ်ပတ်လုံး ညစာစားပွဲတွေ၊ တွေ့ဆုံပွဲတွေ ပြည့်နေတော့ အိမ်စောစောပြန်ပြီးမှ ပြန်ထွက်တယ်။ တစ်ခါတလေကျတော့လည်း တော်ရုံတန်ရုံ အလုပ်နဲ့မပတ်သက်တဲ့ ဧည့်သည်ဆို အိမ်မှာပဲတွေ့တော့ ကလေးတွေနဲ့ အချိန်ပဲ့မပါဘူးပေါ့။
ဟုတ်ကဲ့။ ကျေးဇူးတင်ပါတယ်။      ။
Continue Reading | comments

ဦးဘရန်ရှောင်၏ ဖြောင့်ချက်ယူခဲ့သူ ဒုတရားသူကြီးအား စစ်ဆေးရန် တင်ပြချက် ပယ်ချခံရ


ကချင်လွတ်လပ်ရေးအဖွဲ့ KIO ဟု စွတ်စွဲ၍ မြစ်ကြီးနားထောင်တွင် ဖမ်းဆီးခံနေရသူ ဦးလထော်
ဘရန်ရှောင်ထံမှ ဖြောင့်ချက် ရယူခဲ့သူ မြို့နယ် တရားသူကြီး ဦးဇော်မင်း အား စစ်မေးခွင့်ပြုရန် လျှောက်ထားချက်ကို ပယ်ချလိုက်သည်ဟု ရှေ့နေ ဦးဂျီမာခါး က ပြောသည်။

ဦးဇော်မင်းအား စစ်ဆေးခွင့်ပြုရန် တရားခံ ရှေ့နေ ဦးမာခါးက ယခင်ရက်သတ္တပတ်က တင်ပြခဲ့သည်ကို အင်္ဂါနေ့ မြို့နယ်တရားရုံးတွင် မြို့နယ်တရားသူကြီး ဦးမြင့်ထူး က ပယ်ချလိုက်ခြင်း ဖြစ်သည်။

“ဦးဇော်မင်းကို စစ်ဆေးဖို့ ခေါ်ထားတာ။ မြို့နယ်တရားသူကြီးက မလိုအပ်ဘူးဆိုပြီး ပယ်လိုက်တယ်။ မစစ်ဆေးခိုင်း
စေချင်လို့ နေမှာ ကျနော်တို့က အဲဒါကို ပြန်စစ်ချင်တယ်။

အမှန်တရား ပေါ်လာမှာ ကြောင့်လို့ပဲ။ တရားခံတွေဘက်က အရမ်းနစ်နာတယ်။ ကျနော်တို့အတွက် အရေးကြီးတဲ့ သက်သေပဲ” ဟု ဦးဂျီမာခါး က မဇ္စျိမကို ပြောသည်။

၂၀၁၂ ခုနှစ်၊ ဇွန်လ ၂၈ ရက်နေ့က ဒု မြို့နယ်တရားသူကြီး ဦးဇော်မင်းက ဖြောင့်ချက်ယူနေစဉ် ဦးဘရန်ရှောင်၏ မျက်နှာတွင် ဒဏ်ရာများ ရနေခြင်းနှင့် ဗိုက်တွင် အသံဖမ်းစက် ကပ်ပေးထားမှုကို စစ်ဆေးတွေ့ရှိသဖြင့် တရားသူကြီး ဦးမြင့်ထူးက ထိုနေ့မှာပင် ရုပ်သိမ်းလိုက်သည်။

လာမည့် မတ်လ ၁၈ ရက်နေ့တွင် လျှောက်လဲချက်ပေးရန် တရားသူကြီး ဦးမြင့်ထူးက ပြောဆိုလာသော်လည်း
 လျှောက်လဲချက် မပေးဘဲ တရားသူကြီး ဦးဇော်မင်းအား စစ်ဆေးခွင့်ပြုရန်သာ ပြည်နယ်တရားလွှတ်တော်သို့ ထပ်မံ တင်ပြသွားမည် ဖြစ်ကြောင်း ဦးဂျီမာခါး က ဆိုသည်။ ဦးဘရန်ရှောင်မှာ ကျန်းမာရေး ကောင်းမွန်နေသည်ဟုလည်း
 ပြောသည်။

ဦးဘရန်ရှောင်အား ယမန်နှစ် ဇွန်လ ၁၂ ရက်နေ့က ဖောက်ခွဲရေးဆိုင်ရာ ပုဒ်မ ၃ ဖြင့် အမှတ်(၁) ရဲစခန်းမှ ဒုစရိုက်နှိမ်နှင်းရေးအဖွဲ့ ဒု-ရဲအုပ် ကျော်မျိုးနိုင်နှင့်အဖွဲ့က ဖမ်းဆီးခဲ့ပြီး မြစ်ကြီးနား စရဖ ထံ လွှဲပြောင်းပေးခဲ့သည်။ ထို့နောက် မတရားအသင်း ပုဒ်မ ၁၇(၁) ဖြင့် ပြန်လည် တရားစွဲဆိုထားခြင်း ဖြစ်သည်။

ဦးဘရန်ရှောင်သည် KIO ဝန်ထမ်းဖြစ်သည်ဟု တရားခံဘက်မှ ထွက်ဆိုချက်များမှာ စစ်ကြောရေးအတွင်း ညှဉ်းပန်း
နှိပ်စက်မှုဖြင့်သာ ရရှိလာသည့် ထွက်ဆိုချက်များ ဖြစ်၍ ခိုင်လုံသည့် အခြားအထောက်အထား မရှိကြောင်း ရှေ့နေ
ဦးဂျီမာခါးက ပြောဆိုထားသည်။ 

အစိုးရတပ်နှင့် KIO တပ်များအကြား တိုက်ပွဲများ ပြန်လည်ဖြစ်ပွားခဲ့ချိန်မှစ၍ မြစ်ကြီးနားမြို့နယ်နှင့် ရှမ်းပြည်နယ် အတွင်းရှိ ဒေသခံများ အနည်းဆုံး လူ ၇၀ ကျော်မှာ မတရားသင်းဥပဒေဖြင့် ဖမ်းဆီး ထိန်းသိမ်းခံထားရကြောင်း သိရသည်။
Continue Reading | comments

ကချင် ငြိမ်းချမ်းရေး လမ်းလျှောက်သူများကို KIO မှ ကြိုဆိုမည်

ကချင်ပြည်နယ် ငြိမ်းချမ်းရေးအတွက် ရန်ကုန်မြို့မှ လိုင်ဇာမြို့ထိ လမ်းလျှောက်လာသူများအား ကြိုဆိုရန် ကချင်လွတ်လပ်ရေးအဖွဲ့ KIO က ကော်မတီအဖွဲ့တခုကို ယနေ့ သောကြာနေ့တွင် ဖွဲ့စည်းလိုက်သည် ဟု ကော်မတီခေါင်းဆောင်တဦးဖြစ်သူ အရပ်ဘက်အရာရှိ ဦးဒွဲပီဆားက ပြောသည်။

၎င်းကော်မတီအဖွဲ့ကို KIO စစ်ပြေးဒုက္ခသည်များ အကူအညီပေးရေး တာဝန်ခံ ဦးဒွဲပီဆားနှင့် ဗိုလ်မှူးကြီး အင်ဘန်ဘွမ်ဆင်ဝါးတို့ နှစ်ဦးအား ခေါင်းဆောင်အဖြစ် တာဝန်ယူ၍ အဖွဲ့ဝင်ပေါင်း ၃၀ ကျော်ဖြင့် ဖွဲ့စည်းထားခြင်း
ဖြစ်သည်။

“အစည်းအဝေးက သူတို့ ရောက်ခဲ့တယ်ဆိုရင် အဆင်သင့် လုပ်ထားတဲ့ သဘောပါ။ ကော်မတီ ဖွဲ့ထားတယ်။ သူတို့
ရောက်လာရင် ကြိုဆိုမယ်။ လက်ခံစကားပြောမယ်။ တည်းခိုမဲ့နေရာ ပြမယ်။ တခြားတော့ သူတို့ ဖြစ်ချင်တာတွေ ဆက်လုပ်သွားမယ်။ အလုပ်ခွဲဝေထားတာပါဘဲ”ဟု ဦးဒွဲပီဆားက ပြောသည်။

KIO အနေဖြင့် အိမ်ရှင်အနေဖြင့် ဧည့်သည်အား ကြိုဆိုရန် တာဝန်ရှိသဖြင့် လက်ခံ ကြိုဆိုမည် ဖြစ်ကြောင်း သူက  ပြောသည်။

 “ကျနော်တို့ကတော့ လမ်းလျှောက်လာပြီဆိုတော့ ရောက်မယ်လို့ မျှော်လင့်တယ်။ ဒါပေမဲ့ မြန်မာအစိုးရစစ်တပ်က လမ်းတွေ ပိတ်ထား၊ မိုင်းတွေ ထောင်ထားတယ်ဆိုတော့ သူတို့ ဘယ်လို ဖြေရှင်းနိုင်မလဲ ဆိုတာကိုတော့ မသိဘူး။ ဒါပေမဲ့ သူတို့ ရောက်ရင် လိုအပ်တဲ့ အစားအသောက်တွေ အဆင်သင့် ပြင်ဆင်ထားတယ်”ဟု သူက ပြောသည်။

ကချင်ပြည်နယ် ဒေါ့ဖုန်းယန်မြို့နယ်ခွဲတွင် ရောက်ရှိနေသော မန္တလေးနှင့် မြင်းခြံတို့မှ လမ်းလျှောက်လာသူ လူငယ်အဖွဲ့သည် မနက်ဖြန် ညနေပိုင်းတွင် လိုင်ဇာမြို့သို့ ရောက်ရှိမည် ဖြစ်ကြောင်း လမ်းလျှောက်သူများမှ
ခေါင်းဆောင်ဖြစ်သူ ကိုသန့်ဇင်က ပြောသည်။

ယမန်နေ့က ဒေါ့ဖုန်းယန်မြို့နယ်ခွဲ အုပ်ချုပ်ရေးမှူး ဦးအောင်မျိုးလင်းက လမ်းလျှောက်အဖွဲ့ခေါင်းဆောင် ကိုသန့်ဇင်အား ခေါ်ယူ၍ လိုင်ဇာလမ်းတလျှောက် လုံခြုံရေးအခြေအနေများကို ရှင်းပြပြောဆိုခဲ့သည်ဟု ကိုသန့်ဇင်က
ပြောသည်။

“ဗျူဟာမှူးက လမ်းအခြေအနေ ရှင်းပြခိုင်းလို့ပါ ဆိုပြီးတော့ ကျနော်ကိုခေါ်တွေ့တယ်။ လမ်းမိုင်း အနေအထားတွေနဲ့ လုံခြုံမှု အားနည်းတယ်ဆိုတဲ့အကြောင်းတွေ ရှင်းပြတယ်။ ကျနော်တို့ တားတာ မဟုတ်ပါဘူး။ လမ်းက နယ်မြေ အနေအထားအရ လုံခြုံမှု အားနည်းတယ်။ သူ့ဘက် ကိုယ့်ဘက် ထောင်ထားတဲ့ မိုင်းတွေ ရှိတယ်။ အဲဒါလေးတွေ ရှင်းပြတာပါ။ မသွားပါနဲ့လို့လည်း မတားဘူးလို့ ပြောတယ်”ဟု ကိုသန့်ဇင်က ပြောသည်။

ငြိမ်းချမ်းရေး ရလိုကြောင်း ပြသလိုခြင်း ဖြစ်၍  မိုင်းရှိသော်လည်း မနက်ဖြန်တွင် လိုင်ဇာမြို့သို့ ထွက်ခွာမည်
ဖြစ်ကြောင်း သူက မဇ္စျိမကို ပြောသည်။ ထိုအဖွဲ့တွင် သံဃာ ၉ ပါးနှင့် လူ ပေါင်း ၄၅ ဦးရှိ လိုက်ပါလာသည်ဟု သိရသည်။

၎င်းတို့အဖွဲ့သည် KIO တာဝန်ရှိသူများနှင့် တွေ့ဆုံ၍ မိမိတို့ လိုလားသော ငြိမ်းချမ်းရေးသဘောထားကို ရှင်းပြပြီး KIO ၏ သဘောထားများကို နားထောင်သွားမည် ဖြစ်ကြောင်း ကိုသန့်ဇင်က ပြောသည်။

ထို့ပြင် လိုင်ဇာမြို့သို့ ရောက်ရှိပါက စစ်ပြေးဒုက္ခသည်စခန်း တာဝန်ရှိသူနှင့် တွေ့ဆုံ၍ စစ်ပြေး ဒုက္ခသည်များ အတွက် လမ်းတလျှောက် ပြည်သူများ လှူဒါန်းခဲ့သော် အလှူငွေ ၁၄၈ သိန်းကျော်အား ပေးအပ်လှူဒါန်းသွား မည် ဖြစ်ကြောင်း ကိုသန့်ဇင်က ပြောသည်။

ယင်းအဖွဲ့သည် ဒေါ့ဖုန်းယန်မြို့နယ်ခွဲအတွင်းရှိ ကက်သလစ်ဘုရားကျောင်းတွင် တည်းခိုနေပြီး ယင်းဒေသရှိ ပြည်သူ များသည်လည်း စစ်ပြေးဒုက္ခစခန်းတွင် မနေရသော်လည်း စစ်ပြေးဒဏ်ကို ခံစားနေရသည်ကို တွေ့ရသည်ဟု သူက ဆက်ပြောသည်။

လတ်တလော ဒေါ့ဖုန်းယန်မြို့နယ်ခွဲရှိ ဆေးရုံတွင် တာဝန်ကျ ဆရာဝန် မရှိခြင်းကြောင့် လူနာများ မရှိသဖြင့်  အစိုးရ စစ်တပ်ဖွဲ့များက ဆေးရုံဝင်းအတွင်း အခြေချ နေထိုင်နေသည်ဟု ဒေသခံများထံမှ သိရသည်ဟု ဆိုသည်။

ထို့ပြင် ယမန်နှစ် အောင်တိုဘာလမှ စတင်၍ ဒေါ့ဖုန်းယန်မြို့ အထက်တန်းကျောင်းတွင် တောင်ကျချောင်းတခုမှ သွယ်တန်းယူထားသော ပိုက်လိုင်းတွင် ရေမလာတော့သဖြင့် သောက်သုံးရေ ပြတ်လတ်မှုများ ကြုံတွေ့နေရသည်
မှာ ကြာမြင့်နေပြီ ဖြစ်ကြောင်း၊ ပြန်လည် ပြင်ဆင်မည်ဟုဆိုသော်လည်း မိုင်းကွင်းများ ရှိသည်ဟုဆိုသဖြင့်
ရေပိုက်လိုင်း ပြင်ဆင်ရန် မဖြစ်နိုင်ဘဲ ဖြစ်နေသည်ဟု ဆိုသည်။

ထို့ပြင် ရန်ကုန်မြို့မှ လိုင်ဇာမြို့ထိ လမ်းလျှောက်လာသူ လူ ၁၀၀ ကျော်ပါ အဖွဲ့က ယနေ့ သောကြာနေ့တွင် မရန်းကျေးရွာတွင် ရောက်ရှိနေပြီ ဖြစ်ပြီး မနက်ဖြန် စနေနေ့တွင် ရှဒေါင်ကျေးရွာတွင် ရပ်နားမည် ဖြစ်သလို၊ တနင်္ဂနွေနေ့တွင် ပမ္မတီးကျေးရွာတွင် ရောက်ရှိကြမည် ဖြစ်ကြောင်း လမ်းလျှောက်အဖွဲ့မှ ကိုဝင်းချိုက ပြောသည်။

လာမည့် မတ်လ ၁၂ ရက်နေ့တွင် မြစ်ကြီးနားမြို့သို့ ရောက်ရှိမည် ဖြစ်ပြီး ထိုမှ နှစ်ဖက် အာဏာပိုင် အဖွဲ့အစည်း များနှင့် ညှိနှိုင်းမှုများ လိုင်ဇာမြို့သို့ ဆက်လက် ဆက်သွားမည် ဖြစ်ကြောင်း သူက  ပြောသည်။
Continue Reading | comments

ခွင့်ပြုချက် မရသေး၍ ကုလ အကူအညီများ ဖားကန့်သို့ မရောက်ခဲ့

 ကမ္ဘာ့ကုလသမဂ္ဂ က ကချင်ပြည်နယ် ဖားကန့်မြို့ပေါ်ရှိ စစ်ပြေးဒုက္ခသည်များအတွက် ပထမဆုံး
အကြိမ် စားနပ်ရိက္ခာများ စတင်ပို့ဆောင်မည်ဟု သိရသော်လည်း ဗုဒ္ဓဟူးနေ့က သွားရောက်နိုင်ခြင်း မရှိခဲ့ခြင်းမှာ
နိုင်ငံခြားသား နှစ်ဦး ပါဝင်နေခြင်းကြောင့် အာဏာပိုင်များ ဆိုင်းငံ့ထားသည်ဟု သိရကြောင်း ကချင်လွတ်လပ်ရေး
အဖွဲ့ KIO က ဆိုသည်။

ကုလမှ စားနပ်ရိက္ခာ သယ်ဆောင်လာသော ဆယ်ဘီးကား ၇ စီးမှာ ဖေဖော်ဝါရီလ ၁၃ ရက်နေ့ နံနက် ၈ နာရီတွင်
မြစ်ကြီးနားမြို့မှ ဖားကန့်မြို့သို့ ရောက်ရှိလာမည်ဟု ဆိုသဖြင့် KIA တပ်ဖွဲ့များအား လုံခြုံရေး တာဝန်ယူရန် ညွန်ကြားထားသည်ဟု KIA တပ်ရင်းမှူး ဒု-ဗိုလ်မှူးဇော်ဒွဲက ပြောသည်။

“ဒီနေ့ မနက် ၈ နာရီကျော်လောက်ကနေ ထွက်လာမယ်။ ကား ၇ စီး ရောက်လာမယ်လို့ သိရတယ်။ ကျနော်တို့က တက်လာပြီဆိုပြီး နားလည်ထားတာ။ ကျနော်တို့လည်း ဝမ်းသာတယ်။ ကျနော်တို့ လုံခြုံရေး ယူပေးမယ်ဆိုပြီး
ရှေ့တန်းတပ်ဖွဲ့တွေကို ညွန်ကြားထားတယ်” ဟု မဇ္ဈိမကို ပြောသည်။

နိုင်ငံခြားသား နှစ်ဦး သွားရောက်ခွင့် ရှိမရှိကို နေပြည်တော် ဗဟိုအစိုးရထံ တင်ပြထားသည်ဟု သိရကြောင်းလည်း သူက ဆိုသည်။

“နိုင်ငံခြားသား နှစ်ဦးပါလို့ နေပြည်တော်ကို မေးထားတယ်။ သူတို့ကို မသွားခိုင်းဘူး။ မနက်ဖြန်မှ သေချာမယ်ထင်
တယ်။ နဂိုက နိုင်ငံခြားသား ပါမယ်ဆိုတာ မသိလို့ထင်တယ်။ ဒီနေ့တော့ မလာနိုင်ဘူးလို့ ပြောတယ်” ဟု ဆက်ပြော
သည်။

မြန်မာအစိုးရတပ်နှင့် KIO တို့အကြား တိုက်ပွဲ တနှစ်ကျော်ကြာ ဖြစ်ပွားခဲ့ပြီးနောက် ကုလ အကူအညီအား ပထမဆုံး
အကြိမ်အဖြစ် ရရှိမည်ဖစ်၍ ကြိုဆိုကြောင်း သူက ဆက်ပြောသည်။

သို့သော် မြစ်ကြီးနားမြို့ရှိ ကုလသမဂ္ဂ အဖွဲ့မှ ဒေါက်တာစည်သူကမူ “ကျနော်တို့ ဒီနေ့တော့ မထွက်လာသေးပါဘူး။ ကျနော်တို့ဘက်က လုပ်စရာလေးတွေ ရှိနေသေးလို့ပါ ”ဟု မဇ္စျိမကို ပြောသည်။ မည်သည့် အကြောင်းအရင်း
ကြောင့် အသွားရောက်နိုင်သည်ကိုမူ ပြောဆိုခြင်း မရှိပေ။

ဖားကန့်မြို့သို့ စစ်ပြေးဒုက္ခသည်များအား သွားရောက် လှူဒါန်းမည်ဟု သိရသော်လည်း ခွင့်ပြုချက်မရသေးသဖြင့် ဗုဒ္ဓဟူးနေ့တွင် သွားရောက်နိုင်ခြင်း မရှိသေးကြောင်း ကုလသမဂ္ဂအဖွဲ့မှ တာဝန်ရှိသူက ပြောဆိုခဲ့သည်ဟု ဖားကန့်
နှစ်ခြင်းအသင်းတော်မှ သိက္ခာတော်ရ ဆရာဘောင် တူးဂျာ က “ခွင့်မပြုလို့ မနက်ဖြန်၊ သဖက်ခါ သူတို့ ကြိုးစား
ကြည့်မယ်လို့ ပြောတယ်” ဟု ပြောသည်။ မည်သူက ခွင့်မပြုကြောင်းကိုမူ မသိရဟု ဆိုသည်။

ဖားကန့်မြို့ပေါ် ငှက်ပျော်တော၊ လုံးခင်း၊ ဆိုင်းတောင်၊ မှော်စီဆာ စသည့် ရပ်ကွက်များရှိ ခရစ်ယာန် ဘုရားကျောင်းများ၊ ဗုဒ္ဓဘာသာ ဘုန်းကြီးကျောင်းများ အတွင်းရှိ စစ်ပြေးဒုက္ခသည် စခန်း ၃၆ ခုတွင် ဒုက္ခသည် ၇,၀၀၀ ကျော်ရှိနေသည်ဟု သိက္ခတော်ရ ဆရာဘောင်တူးဂျာက ပြောသည်။

အစိုးရ စစ်ကြောင်းများ လှုပ်ရှားနေသဖြင့် လုံခြုံရေး စိတ်မချရ၍ စစ်ပြေး ဒုက္ခသည်များက မိမိနေရပ်သို့ မပြန်ရဲဘဲ
ဖြစ်နေကြသည်ဟု ဆိုသည်။

ငှက်ပျော်တော ကက်သလစ်ဘုရားကျောင်းတွင် ဒုက္ခသည်ပေါင်း ၁,၇၀၀ ကျော် ခိုလှုံနေပြီး အများအားဖြင့် စိတ်ပိုင်းဆိုင်ရာ ခံစားနေချိန်အတွင်း ကုလသမဂ္ဂမှ ကူညီမည်ဟုသိရသဖြင့် ကြိုဆိုကြောင်း ဒုက္ခသည်များအား ကူညီပေးနေသော ဦးနော်ဂျာ က ပြောသည်။

“အကူအညီပေးတယ်ဆိုတော့ ကြိုဆိုရမှာပေါ့။ လူတွေက စိတ်ပိုင်းဆိုင်ရာ ဒုက္ခရောက်တဲ့လူ ပိုများလာတယ်။ စိတ်ဆင်းရဲ တာတွေ၊ သူတို့ ကိုယ်ကာယ စိတ်ဆင်းရဲ အစစအရာရာ ဒုက္ခရောက်နေတဲ့ အချိန်မှာ ကူညီတယ် ဆိုတာတော့ ကြိုဆိုရမှာပါ” ဟု မဇ္စျိမကို ပြောသည်။
Continue Reading | comments

“အစိုးရနှင့် ကေအိုင်အေ လိုလားမှုမရှိဘဲ ငြိမ်းချမ်းရေးဝင်လုပ်မည်ဆိုက မိမိကိုယ်ကို အထင်ကြီးရာရောက်နိုင်ကြောင်း ဒေါ်အောင်ဆန်းစုကြည်ပြော”




အစိုးရနှင့်ကေအိုင်အေ လိုလားမှုမရှိဘဲ ငြိမ်းချမ်းရေးအတွက် ဝင်လုပ်မည် ဆိုက မိမိကိုယ်ကိုအထင်ကြီးရာရောက်နိုင်ကြောင်း ဒေါ်အောင်ဆန်း စုကြည်က ပြောသည်။

''ကျွန်မကိုဆိုလို့ရှိရင် ကချင်ပြည်နယ်မှာ ဖြစ်နေတဲ့ ငြိမ်းချမ်းရေး ဖြစ်စဉ် ထဲမှာ မပါဝင်ဘူးလားဆိုပြီး မေးမြန်းကြ၊ ဝေဖန်ကြတာတွေရှိပါ တယ်။ ကျွန်မအမြဲပါဝင်ချင်ပါတယ်။ အချိန်မရွေးလိုလားတယ်ဆိုရင် ပါဝင်ဖို့ အဆင်သင့်ရှိတယ်လို့ ထုတ်ဖော်ပြီးသားပါ။ ဘာလို့မပါလဲဆိုရင် ငြိမ်းချမ်းရေး ဖြစ်စဉ်မှာ အောင်အောင်မြင်မြင် ပါဝင်နိုင်ဖို့ဆိုတာ ကာယကံရှင်တွေက လိုလားမှဖြစ်မှာပါ။ ဒီနိုင်ငံရဲ့ ဘယ်နေရာမှာပဲ ဖြစ်ဖြစ် ငြိမ်းချမ်းရေးဖြစ်စဉ်မှာ ကျွန်မကို ပါဝင်ဖို့ ကာယကံရှင်များ က လိုလားတယ်၊ ဖိတ်ဆိုတယ်ဆိုရင် ကျွန်မဘယ်တော့မှငြင်းမှာ မဟုတ်ပါဘူး''ဟု ဒေါ်အောင် ဆန်းစုကြည်က ပြောသည်။

အမျိုးသားဒီမိုကရေစီ အဖွဲ့ ချုပ်၏ (၆၆)နှစ်မြောက် ပြည်ထောင်စုနေ့ အထိမ်းအမှတ်အဖြစ် ရန်ကုန် မြို့ တော်ဝင်နှင်းဆီ၌ ကျင်းပသောပွဲ သို့ပေးပို့သော ဗွီဒီယိုသဝဏ်လွှာတွင် ဒေါ်အောင်ဆန်းစုကြည်က အထက်ပါအတိုင်း ပြောကြားခဲ့ခြင်း ဖြစ်သည်။

''မျှဝေခံစားမှုဆိုတာ ကျွန်မတို့နိုင်ငံမှာ တိုးတက်လာပြီလို့ မြင်ပါတယ်။ ဘာလို့လဲဆိုတော့ ဒီတစ် နှစ်အတွင်းမှာ ကချင်ပြည်နယ် ရခိုင်ပြည် နယ်တွေမှာ ဖြစ်နေတဲ့ ကိစ္စတွေနဲ့ ပတ်သက်ပြီး ကချင်၊ ရခိုင်မှာမနေတဲ့ အဲဒီ့နယ်မြေနဲ့ ပတ်သက်မှုလည်း မရှိတဲ့ နိုင်ငံသူ နိုင်ငံသားများဟာ အာရုံစူးစိုက်ပြီး စိတ်ပူပြီး ကောင်းတဲ့ဘက်ကို သွားစေချင်တဲ့ စိတ်ဆန္ဒတွေ ပေါ်လာတယ်ဆိုတာ မြင်ရပါတယ်။ ပူပန်ရုံ စိုးရိမ်ရုံတင် မကဘူး ထိထိရောက် ရောက်ကူညီတဲ့ အဖွဲ့တွေလည်း ပေါ်လာတယ်။ ဥပမာ ကချင်ပြည်နယ်က ဒုက္ခသည်တွေအတွက် ရန်ပုံငွေရှာဖို့ တချို့အနုပညာရှင်တွေက လှုပ်ရှားတာ၊ ကြိုးပမ်းတာ၊ ဒီလိုကိစ္စတွေဟာ ကျွန်မတို့နိုင်ငံမှာ မျှ ဝေခံစားချင်တဲ့ စိတ်ဓာတ်တွေ တဖြည်းဖြည်း အားသာ လာတယ်လို့ ကျွန်မဒီလိုပဲ မြင်ပါတယ်''ဟု ဒေါ်အောင်ဆန်းစုကြည်က သဝဏ်လွှာတွင် ထည့်သွင်းပြောသည်။

လက်ရှိ မျှဝေခံစားမှု အခြေ အနေသည်လုံလောက်သည့် အတိုင်း အတာထိ မရောက်ရှိသေးသော် လည်း မျှော်လင့်ချက်ရှိသည့် အတိုင်းအတာ ရှိသည် ဟု ဒေါ် အောင်ဆန်းစုကြည်က ဆက်လက် ပြောသည်။
ယင်းအပြင် လွှတ်တော်သို့ တက်ရောက်နေသော ဒေါ်အောင်ဆန်းစုကြည် အား ဇန်နဝါရီလအတွင်းက ကချင်ငြိမ်းချမ်းရေးနှင့်ပတ်သက်၍ မေးမြန်းရာ ''လုပ်ပိုင်ခွင့် ဆိုတာထက် လေ့လာပြီးတော့ ပါဝင်ဖို့ ကိုယ့်မှာအကြောင်း ပါလာလို့ ရှိရင် ကော်မတီမှာ လုပ်ရမှာပေါ့။ ဒါပေမဲ့ အစိုးရရဲ့ဆွေးနွေး ပွဲတွေမှာ ပါဝင်ဖို့ဆိုတာကတော့ မဖိတ်ခေါ်ဘဲနဲ့ ဝင်ပါလို့မရဘူးပေါ့'' ဟု ပြန် လည်ဖြေကြားခဲ့သည်။

ထို့ပြင် ပြည်တွင်းငြိမ်းချမ်းရေး ပြဿနာသည် ဒီမိုကရေစီပြဿနာ ဖြစ်ပြီး မျိုးနွယ်စုများအကြား အမြစ်တွယ်နေသည့် ကျဉ်းမြောင်းသော လူမျိုးရေး ဝါဒနှင့်လူမျိုးကြီး ဝါဒခံ စားမှုများကို လွတ်လပ်မှု၊ တန်းတူညီမျှမှု၊ စစ်မှန်သောကိုယ်ပိုင် အုပ်ချုပ်ခွင့်နှင့် ကိုယ်ပိုင်ပြဋ္ဌာန်းခွင့် များဖြင့်သာ ကုစားနိုင်မည်ဟု (၆၆) နှစ်မြောက် ပြည်ထောင်စုနေ့ ကြေညာချက်အဖြစ် အမျိုးသား ဒီမိုကရေစီ အဖွဲ့ချုပ်မှ ထုတ်ပြန်ခဲ့သည်။

ပြည်ထောင်စုသမ္မတ မြန်မာ နိုင်ငံတော် နိုင်ငံတော်သမ္မတ ဦးသိန်းစိန်က ၂ဝ၁၃ ခုနှစ် (၆၆) နှစ်မြောက် ပြည်ထောင်စုနေ့ အခမ်းအနားသို့ပေးပို့သော သဝဏ် လွှာတွင် မြန်မာနိုင်ငံသည် လက်ရှိ အခြေအနေတွင် ဒီမိုကရေစီစနစ် ဆက်လက် ရှင်သန်ဖွံ့ဖြိုးရန်အတွက် နိုင်ငံရေးတည်ငြိမ်မှုနှင့် လက်နက် ကိုင်ပဋိပက္ခများချုပ်ငြိမ်းပြီး ထာဝရ ငြိမ်းချမ်းရေး ရရှိရန်မှာ အဓိက လိုအပ် ချက် ဖြစ်ကြောင်း၊ ထို့ကြောင့် မြန်မာ့နိုင်ငံရေး လုပ်ငန်းစဉ်တွင် နိုင်ငံသား အားလုံးပါဝင်ရန် ကြိုးပမ်းလျက်ရှိကြောင်း ထည့်သွင်းပြောကြားခဲ့သည်။
အစိုးရသစ်အနေဖြင့် နိုင်ငံတော်ကြီး ရေရှည်တည်တံ့ခိုင်မြဲရန် နိုင်ငံရေးအင်အား၊ စီးပွားရေးအင်အား၊ နိုင်ငံတော်ကာကွယ်ရေးအင်အား တောင့်တင်းရန် လိုအပ်သည် ဟု ခံယူထားကြောင်း နိုင်ငံတော် သမ္မတဦးသိန်းစိန် ပေး ပို့သော သဝဏ်လွှာအရ သိရသည်။

ဝေမာထွန်း

Continue Reading | comments

လယ်သမားများ ထမင်းတစ်နပ် လျှော့စားရန်မလို ၂၀၀၈ ဖွဲ့စည်းပုံကို ဖျက်ပစ်ရန်သာ လိုသည်




ဦးဖိုးသာအောင်

 
၂၀၁၃ ခုနှစ်၏ နှစ်ဦး ဇန္နဝါရီလကုန်ပိုင်းမှာ လက်ရှိစစ်တစ်ပိုင်း အစိုးရ လယ်/ဆည် ဝန်ကြီးက ကြွေးတင်နေတဲ့ လယ်သမားတွေကို ကြွေးကျေအောင် ထမင်းတစ်နပ်လျှော့စားပြီး ကြွေးဆပ်ပါ၊ ကြွေးမကျေရင် နောင်ဘဝမှာတောင် ကျွန်ခံကြရအုံးမယ်တဲ့။
 
ဘီဘီစီ၊ ဗွီအိုအေနဲ့ အာအက်(ဖ်)အေ ရေဒီယိုတွေက ဝန်ကြီးရဲ့ အသံနဲ့ပါ လွှင့်ထုတ်ပေးခဲ့ကြလို့ နားနဲ့ဆတ် ဆတ်ကြားလိုက်ရပါတယ်၊
ကြားကြားချင်း ဘုရားဘုရားလို့ တမိလိုက်ပါတယ်၊ အတော်တုန်လှုပ်ချောက်ချား သွားပါတယ်၊ ကံနှင့်ကံ၏ အကျိုးကို တော်တော်ယုံကြည်တဲ့ ဝန်ကြီးပါလားလို့ တွေးမိပြီး လေးစားစိတ်တွေ ဝင်လာပြီး တပြိုင်နက်တည်းမှာ ကြောက်လန့်တုန်လှုပ်မိပြန်ပါတယ်၊
တွေးမိလိုက်တာက လယ်သမားတွေက ကြွေးမဆပ်နိုင်တဲ့ အခြေဆိုက်လို့ မဆပ်ကြတာပါ၊
ဒီအတွက် နောင်ဘဝမှာ ကျွန်ဖြစ်ကြရမယ်ဆိုရင် တိုင်းပြည်ရဲ့ သယံဇာတနဲ့ အများပိုင်ပစ္စည်းပစ္စယတွေကို မတရားဥပဒေတွေ ပြဌါန်းပြီး အတင်းအဓမ္မသိမ်းယူကြ၊ တစ်တိုင်းတစ်ပြည်လုံး ဆင်းရဲမွဲတေအောင် လုပ်ကြ၊ အမှန်အကန် ပြောဆိုသူတွေကို နှိပ်စက်ညှင်းပန်းထောင်ချကြ၊ သတ်ပစ်ကြ၊ ဘဝတွေအများအပြား ပျက်စီးကြရ၊ စစ်မက်တွေ ဖန်တည်းပြီး အမြတ်ထုတ်ကြ၊ လူအများက သေကြရ၊ လူတစ်စုက ကောင်းစားပြီး လူထုက ကပ်သုံးပါးနဲ့ ရင်ဆိုင်နေကြရအောင် ပြုလုပ်ဖန်တည်းခဲ့ကြတဲ့ လူတွေနဲ့ ပြုလုပ်ဖန်တည်းဆဲ လူတွေရဲ့ နောင်ဘဝ ကံကြမ္မာသည် မည်သို့ မည်ပုံ ဖြစ်မည်လဲဆိုတာ တွေးရင်းတွေးရင်း မတွေးဝံ့စရာ ဖြစ်လာပါသည်၊ ကြွေးမဆပ်နိုင်လို့ ကျွန်ဖြစ်ရသူတွေရဲ့ မစင်ထဲက လောက်တွေများ ဖြစ်ကြရအုံးမှာပါလား။

လယ်သမားများ ထမင်းတစ်နပ် လျှော့စားရန် ပြောဆိုသူ "စစ်ဘောင်းဘီချွတ် လယ်/ဆည် ၀န်ကြီး" မြင့်လှိုင်

မြန်မာနိုင်ငံဟာ လယ်ယာစိုက်ပျိုး စီးပွားရေးအပေါ် အဓိကအားထားမှီခိုနေရပြီး လူဦးရေ၏ ခွန်နှစ်ဆယ် ရာနှုန်းကျော်ရှိသည့် လယ်သမားများ၏ လယ်သမားနိုင်ငံတစ်ခုပင်ဖြစ်သည်၊ လွတ်လပ်ရေးမရမီ ၁၉၄၂-၄၆ ခုနှစ်မှာ မြန်မာနိုင်ငံ၏ ဆန်စပါးစိုက်ဧကပေါင်းမှာ ၆.၄ သန်းလောက်ရှိပြီး လွတ်လပ်ရေးရတဲ့ ၁၉၄၈ ခုနှစ်မှာ စပါးစိုက်ဧကပေါင်း ၁၁ သန်းလောက်အထိကိုး ချဲ့စိုက်ပျိုးနိုင်ခဲ့ပါသည်၊ စိုက်ဧက ၄သန်းခွဲလောက်ကို အင်္ဂလိပ်အစိုးရက ချဲ့ထွင်နိုင်သည်ကိုလည်း တွေ့ရပါသည်၊ မြန်မာအစိုးရများလက်ထက် ၁၉၇၄ ခုနှစ်အထိ စပါးစိုက်ဧက ၁၂ သန်းခွဲလောက်ရှိခဲ့ပါသည်၊ ပြည်ပသို့စပါးတင်း ၇၂ သန်းခန့် တင်ပို့ရောင်းချရကြောင်း ကုန်သွယ်ရေးကော်ပိုရေးရှင်း အမှတ် (၁) ၏ ထုတ်ပြန်ချက်အရ သိရပါသည်။
သို့သော် နောက်ပိုင်း မဆလ၊ နဝတ၊ နအဖ အစိုးရများ၏ ပြည်ပရောင်းကုန်ပစ္စည်းများ၏ အရေအတွက် စာရင်းဇယားများသည် ယုံကြည်စရာအကြောင်းမရှိတော့ပါ၊ ရန်ကုန်မြို့ပန်းဆိုးတန်းလမ်းရှိ ကုန်သွယ်ရေးရုံးကြီးအတွင်း ၂၀၀၃ခု နှစ်လောက်က မီးလောင်မှုကြီးနှင့်အတူ စာရင်းဇယားများသည်ပြာဖြစ်သွားကြပါတော့သည်။

လွတ်လပ်ရေးရပြီး ၁၉၅၃ ခုနှစ်မှာ လယ်ယာမြေနိုင်ငံပိုင်ပြုလုပ်ရေး ဥပဒေအမှတ် ၅၃နှင့်အတူ မြေရှင်ကြီးစနစ်ကို ဖျက်သိမ်းပြီး လယ်လုပ်သူသာ လယ်ပိုင်ခွင့်ရှိခဲ့သည့် ၁၉၆၃ ခုနှစ်အထိ မြန်မာနိုင်ငံတောင်သူလယ်သမားများ၏ ရွှေခေတ်ဟုပင် ခေါ်ဆိုနိုင်ခဲ့ပါသည်၊ ဖ.ဆ.ပ.လ နှင့် ပ.ထ.စ ခေတ်များတွင် နိုင်ငံတော်ကောက်ပဲသီးနှံရောင်းဝယ်ရေး အဖွဲ့က ဦးဆောင်ပြီး မြန်မာ့ဆန်ကို ပြည်ပသို့ တင်ပို့ရောင်းချပါသည်၊ အဲဒီခေတ်က အစိုးရကို မကျေနပ်သည့် တောခိုအဖွဲ့များက မည်သို့ပင် ဝေဖန်သော်လည်း တောင်သူလယ်သမားများ အဖို့မှာ လယ်လုပ်ပျော်ကြပါသည်၊ သင့်တင့်သည့်ဝင်ငွေ ရှိကြပါသည်၊ စပါးတင်းတစ်ရာလျှင် ရွှေတစ်ကျပ်သား၏ တန်ဖိုးနီးပါး ရရှိကြပါသည်၊ လယ်ရှင်ရော သူရင်းငှားပါ လယ်လုပ်ငန်းဖြင့် ကျေနပ်စွာ လုပ်ကိုင်နိုင်ကြပါသည်။

၁၉၆၂ ခုနှစ် စစ်အာဏာရှင်ဗိုလ်နေဝင်းအစိုးရ တက်လာပါသည်၊ ၁၉၆၃ ခုနှစ်မှာ ရေးဆွဲပြဌါန်းတဲ့ လယ်ယာမြေ သီးစားချရေး ဥပဒေဆိုတာပေါ်ပေါက်ခဲ့ပြီး နောက်ပိုင်းမှာတော့ မြန်မာ့လယ်ယာမြေအားလုံးသည် နိုင်ငံတော်ပိုင်ဟုသာ အမည်တပ်ခံရပြီး အမှန်တကယ်မှာတော့ အစိုးရလုပ်စားသူ စစ်အာဏာရှင်အစိုးရပိုင် လယ်ယာမြေပင် ဖြစ်သွားပါတော့တယ်၊ ဆန်စပါးစိုက်ပျိုးထုတ်လုပ်ပေးရသည့် လယ်ရှင်နှင့် လယ်လုပ်သား အားလုံးသည် စစ်အာဏာရှင် အစိုးရ၏ လယ်သီးစားချထားခြင်းခံရသည့် လယ်ကူလီလုပ်သားများ ဘဝသို့ လုံးဝပင် ကျရောက်သွားကြပါသည်၊ စစ်အစိုးရက ဖွင့်လှစ်ထားသည့် ကုန်သွယ်ရေး(၁) စပါး အဝယ်ဒိုင်များမှာသာ စပါးရောင်းချခွင့်ရှိပြီး အခြားမည်သည့်နေရာကိုမျှ စပါးမရောင်းချရတော့ပါ၊ ဈေးနှုန်းသည်လည်း အစိုးရက သတ်မှတ်ဈေးပင်ဖြစ်ပါသည်၊ စပါးတင်းတစ်ရာ၏ ဈေးနှုန်းမှာ ရွှေငါးမူးသားပင် မရချင်တော့ပါ။


ထိုကြောင့် လယ်သမားများအဖို့ ထွန်ယက်ခ၊ စိုက်ပျိုးခနှင့် ရိတ်သိမ်းစရိတ်များ အပါအဝင် အမျိုးမျိုးသော စရိတ်စခများနှင့် ဝင်ငွေသည် တွက်ခြေမကိုက်တော့ဘဲ လယ်လုပ်ရင်း ထမင်းငတ်၊ ဖောင်စီးရင်း ရေငတ်ဆိုသလို ဖြစ်ကြရပါတော့သည်၊ လယ်သမားတို့၏ တချိန်ကရွှေနိုင်ငံခေတ်မှ ခဲပုတ်နိုင်ငံအဆင့်သို့ လျှော့ကျပြီး ကမ္ဘာ့ အဆင်းရဲဆုံး နိုင်ငံစာရင်းသို့ ဝင်ရောက်လာပါတော့သည်။

စစ်အာဏာရှင်ကြီး ဗိုလ်နေဝင်း တက်ခါစနှစ်များမှာ မြန်မာ့တောင်သူလယ်သမားကြီးများကို ဦးကြီးများဟု မြှောက်ပင့်ခေါ်ဆိုကာ တောင်သူလယ်သမားနေ့တို့၊ တောင်သူလယ်သမားညီလာခံတို့၊ တောင်သူလယ်သမား နှီးနှောဖလှယ်ပွဲတို့ကို ခပေါင်း၊ ဒူးယား၊ အုန်းတော စသည်ဖြင့် အမည်အမျိုးမျိုးဖြင့် ကျင်းပပြုလုပ်ခဲ့ပါသေးသည်၊ စစ်အစိုးရ၏ တာဝန်ကျေစပါး စီမံကိန်း၏ ဒဏ်ကြောင့် လုံးပါးပါးလာသော လယ်သမားများ၏ အခြေအနေကြောင့် တောင်သူလယ်သမားနှီးနှောဖလှယ်ပွဲများနှင့် ညီလာခံဆိုသည်များကို ပိတ်ပင်လိုက်ရပါသည်၊ သို့သော် အစိုးရလုပ်စား ရတာ ခံတွင်းတွေ့နေပြီဖြစ်တဲ့ စစ်အာဏာရှင်တွေသည် နောက်ကိုမဆုတ်တော့ဘဲ ဆက်ပြီး မိုက်တွင်း နက်ကြပါတော့သည်။

၁၉၆၃ ခုနှစ် လယ်ယာမြေသီးစားချထားရေး ဥပဒေအပြင် ၁၉၈၇ ခု စက်တင်ဘာ ၁၈ ရက်နေ့ လယ်ယာနှင့် သစ်တောဝန်ကြီးအမိန့်ကြေငြာစာ အမှတ် ၄/၇၈ ကို ထုတ်ပြန်ကာ မြန်မာနိုင်ငံ တောင်သူလယ်သမားများအားလုံးကို လယ်လုပ်သား လယ်ကူလီအဆင့်မှ မြေကျွန်များအဆင့်သို့ ကျရောက်အောင် ပြုလုပ်လိုက်ပါတော့သည်၊ မြန်မာနိုင်ငံရှိ တောင်သူလယ်သမားအားလုံးသည် အစိုးရမှသတ်မှတ်ပေးထားသည့် သီးနှံကိုသာ စိုက်ပျိုးပေးရမည်၊ နွေစပါး မိုးစပါး သတ်မှတ်ချိန်အတိုင်း စိုက်ကြရမည်၊ ထွက်ရှိသည့်စပါးကို အစိုးရမှ သတ်မှတ်သည့်အရေအတွက်အတိုင်း အစိုးရသတ်မှတ်ဈေးနှုန်းဖြင့် အစိုးရအ၀ယ်ဒိုင်များတွင်သာရောင်းချပေးရမည်၊ အစိုးရမှတပါး အခြားမည်သူ့ကိုမျှ စပါးရောင်းခြင်းကို ခွင့်မပြုပါ၊ ဒါ့အပြင် စပါးကြိတ်ခွဲပြီး ဆန်အဖြစ်သိုလှောင်ခြင်းကိုလည်း ခွင့်မပြုပါ၊ လယ်သမားများသည် ရာသီဥတုဖေါက် ပြန်ခြင်းနှင့်အတူ ရေကြီး မိုးခေါင် ပိုးကျဖြစ်၍ စပါးမထွက်သည်ကိုပင် ချမ်းသာမပေးတော့ပါ၊ ရှိသမျှအိမ်ခြံနွားကို ပေါင်နှံရောင်းချပြီး စပါးဝယ်ယူကာ အစိုးရကို အရှုံးခံရောင်းချပေးရသည့်ဘ၀သို့ပင် ရောက်ခဲ့ကြရပါသည်၊ မ.ဆ.လ ခေတ်မှာ ၀မ်းစားပုတ်ပျောက်ကြသည်မှာ အဆန်းတရားမဟုတ်တော့ပါ၊ အစိုးရကသတ်မှတ်ထားသည့် စပါးတင်းအရေ အတွက်အတိုင်း ပြည့်မှီအောင် ရောင်းမပေးနိုင်သဖြင့် ထောင်ကျသူ၊ နှိပ်စက်ညှင်းပန်းခံကြရသူနှင့်ဘ၀ပျက်ကြရသည့် လယ်သမားပေါင်းမှာ နည်းမည်မဟုတ်ပါ၊

မြန်မာ့လူဦးရေ၏ ခွန်နှစ်ဆယ်ရာနှုန်းကျော် တောင်သူလယ်သမားများ ဆင်းရဲမွဲတေကုန်ကြပါပြီ၊ လယ်သမား များ ဆင်းရဲမွဲတေခြင်းသည် မြန်မာနိုင်ငံဆင်းရဲမွဲတေခြင်းပင်ဖြစ်သည်၊ လယ်သမားများ ဆင်းရဲမွဲတေသလောက် သူတို့စိုက်ပျိုးထုတ်လုပ်သည့် ဆန်စပါးကို ပြည်ပသို့တင်ပို့ရောင်းချခွင့်ရှိသည့် စစ်အာဏာရှင် အစိုးရမင်းတစ်စုကတော့ မတရား ချမ်းသာကုန်ကြပါသည်၊ မြန်မာတောင်သူလယ်သမားကြီးများသည် မိမိတို့စိုက်ပျိုးထုတ်လုပ်သည့် ဆန်စပါး၏ နိုင်ငံခြားသို့ ရောင်းချဈေးနှုန်းကိုသိရှိသူ အင်မတန်မှ နည်းလှပါသည်၊ မ.ဆ.လ ပါတီကောင်စီအစိုးရ၏ ထိပ်တန်းလျှို့ဝှက်ချက်ကြီးတစ်ခုပင် ဖြစ်နေပါသည်၊

မြန်မာနိုင်ငံ၏ဆင်းရဲမွဲတေမှု့ကို အမှန်တကယ်သိရှိလိုလျှင် လယ်ယာစိုက်ပျိုးသည့် ကျေးလတ်ဒေသများကို အရောက်သွားပြီးလေ့လာမှ သိနိုင်ပါလိမ့်မည်၊ ၁၉၈၆ခုနှစ်က အစိုးရသတ်မှတ်သည့် တာဝန်ကျေစပါးအရေအတွက် ပြည့်မှီအောင် မရောင်းချနိုင်သည့် လယ်သမားတစ်ဦး၏အိမ်ကို ပါတီကောင်စီတို့မှဝင်ရောက်ရှာဖွေကာ ၀မ်းစာ စပါးပုတ်ကိုလှန်လှောပြီး သိမ်းယူခဲ့သည့်အတွက် စားစရာဆန်မရှိတော့၍ တအိမ်သားလုံး အဆိပ်သောက်သေဆုံးသွား သည့် ဖြစ်ရပ်သည် ဧရာဝတီတိုင်း ဟင်္သာတမြို့နယ်ထဲတွင် ဖြစ်ပေါ်ခဲ့ပါသည်၊ အလားတူဖြစ်ရပ်များလည်း ပြည်နယ်နှင့် တိုင်းအသီးသီးမှာ ဖြစ်ခဲ့ကြပါသည်၊

မ.ဆ.လ တခေတ်လုံး တဖြည်းဖြည်းဆင်းရဲမွဲတေလာသည့် မြန်မာနိုင်ငံတောင်သူလယ်သမားထုကြီးသည် န.အ.ဖ ၊ န.၀.တ အစိုးရများလက်ထက်တွင် ဆိုးသထက်ဆိုးလာကာ ယနေ့စစ်တပိုင်း ဗိုလ်သိန်းစိန်အစိုးရလက်ထက် တွင် လယ်သမားတို့အဖို့ စပါးနည်းနည်းစိုက် နည်းနည်းရှုံး များများစိုက် များများရှုံးပြီး မစိုက်ပြန်လျှင်လည်း လုပ်စရာ အလုပ်မရှိသည့်ဘ၀သို့ပင် ရောက်ရှိနေပါတော့သည်၊

တောင်သူလယ်သမားတို့သည် အများအားဖြင့် စာကိုရေးတတ်ဖတ်တတ်လောက်သာရှိကြပြီး နိုင်ငံတကာ ဗဟုသုတဆိုတာ ဝေလာဝေးလို့ မိမိတို့ဘ၀သည် ဘာကြောင့်ဘယ်လို ဆင်းရဲတွင်းနက်လာပါသနည်းဆိုတာကို မသိရှိကြပါ၊ မသိနိုင်အောင်လည်း စစ်အာဏာရှင်အဆက်ဆက်သော အစိုးရများက သေချာစွာ စီမံပြုလုပ်ထားကြပါ သည်၊ စိုက်ပျိုးစရိတ်၊ ရိတ်သိမ်းစရိတ်ဟူသည့် အမတော်ကြေး ချေးငွေများကို မည်သို့သောနိုင်ငံတကာ အဖွဲ့အစည်း များမှ မည်သို့ကူညီနေသည်ဆိုတာကိုမျှ သိခွင့်မရကြပါ၊ မ.ဆ.လအစိုးရ၏ ချေးငွေအဖြစ်သာ သိရှိကြပါသည်၊ စိုက်ဘဏ် အကြောင်းကိုနားမလည်ကြပါ၊ ဒါ့အပြင် လယ်သမားများနှင့်ပတ်သက်သည့် ဥပဒေများ၊ မြေယာဥပဒေများ၊ သီးစားချထားခွင့်ဥပဒေများနှင့် စိုက်ပျိုးထုတ်လုပ်ရောင်းချသည့် ဥပဒေများကိုဘာမျှ မသိကြပါ၊ သူတို့သိသည်မှာ စိုက်ဆိုစိုက် ရောင်းဆိုရောင်း၊ မလိုက်နာ ပျက်ကွက်ပါက အဖမ်းခံရမည်၊ ထောင်ကျမည်ကိုသာ သိကြပါသည်၊ စပါးဈေးနှုန်း တင်းတစ်ရာလျှင် ရွှေတစ်ကျပ်သားရတုံးက ချောင်ချောင်လည်လည်ရှိကြပြီး စပါးတင်းတစ်ရာကို ရွှေငါးမူးသားတောင် မရသည့်ခေတ်များတွင် ဆင်းရဲတွင်းနက်လာသည်ဟူ၍တော့ သဘာဝကျကျ သိကြပါတော့သည်၊

ယနေ့ စစ်တစ်ပိုင်း ဗိုလ်သိန်းစိန်အစိုးရလက်ထက်တွင် အဆိုးဆုံးအခြေအနေဟုဆိုရပါမည်၊ အဘယ်ကြောင့် ဆိုသော် စပါးဈေးက တင်းတစ်ရာကို နှစ်သိန်းခွဲ၊ သုံးသိန်းဈေးဖြစ်ပြီး ရွှေက တစ်ကျပ်သားကို ခွန်နှစ်သိန်းနီးပါး ဖြစ်နေပါပြီ၊ ဘယ်မှာ နွားလံထူပါတော့မည်နည်း၊

မြန်မာတောင်သူလယ်သမားတို့သည် ဈေးနားနီးနီး တိုက်ကြီးကြီးနှင့် ကားတ၀ီဝီဆိုသည့် စိတ်ကူးယဉ်မှု့မျိုး မရှိကြဘဲ အချိန်တန်လျှင် ငစိန်ဆန်နှင့်လွေးရရေးအတွက် ၀မ်းစာ ပန်းစာ ပြည့်ပြည့်၀၀လေးနှင့် ကြွေးမတင်လျှင် ကျေနပ်နှစ်သိမ့်ရောင့်ရဲတတ်သော လယ်သမားလူတန်းစားများပင်ဖြစ်ပါသည်၊ သို့ပေမယ့် လယ်လုပ်ရင်း ထမင်းငတ် ကြွေးတင်ပြီး ဆင်းရဲတွင်းနက်လာကြရသည်မှာ ကမ္ဘာစစ်ဖြစ်နေ၍လည်း မဟုတ်ပါ၊ ကမ္ဘာမှာ ဆန်စပါးမှအစ ဂျုံပြောင်း စသည့် စားဘွယ်များ အလျှံပယ်ပေါကြွယ်ဝလာ၍လည်း မဟုတ်ပါ၊ ကမ္ဘာ့ဆန်စပါးဈေးကွက်ကြီး ပျက်စီးသွား၍လည်း မဟုတ်ပါ၊ ဒါဆိုဘာကြောင့် မြန်မာ့တောင်သူလယ်သမားတို့က ဆင်းရဲကုန်ကြရသနည်း၊ အဖြေမှာ ရှင်းလှပါသည်၊ စစ်အာဏာရှင်အစိုးရအဆက်ဆက်တို့၏ ၀ိသမလောဘကြီးမားမိုက်ရိုင်းမှု့ကြောင့် လယ်သမားတို့အပေါ် အနိုင်အထက် အဓမ္မဥပဒေအမျိုးမျိုးဖြင့် ဂုတ်သွေးစုပ် အမြတ်ထုတ်မှု့ကြောင့်သာဖြစ်ရသည်မှာ ရှင်းပါသည်၊

အချို့ကအစိုးရ၏ စီမံခန့်ခွဲမှု့ ညံ့ဖျင်းမှု့ကြောင့်ဟု လျှော့တွက်ပြောဆိုသည်မှာ မမှန်ပါ၊ နဂိုကတည်းက ဘယ်သူ သေသေ ငတေမာရင်ပြီးရောဆိုသည့် စစ်အာဏာရှင်စနစ်ကြောင့်သာဖြစ်ပါသည်၊ တောင်သူလယ်သမားများသည် ထွန်ယက်စိုက်ပျိုးပြီး စပါးရောင်းချပေးရသော မြေကျွန်များသာဖြစ်ကြပြီး စစ်အာဏာရှင်တို့မှာ မြေရှင်များဖြစ်နေပါ သည်၊ မြေရှင်အစိုးရ၏ စီမံချက်အတိုင်း စိုက်ပျိုးထုတ်လုပ်ရောင်းချပေးရခြင်းသာမကဘဲ မြေရှင်အစိုးရ၏ မ၀ယ်မနေရ မြေသြဇာနှင့်ပိုးသတ်ဆေးတို့ကိုလည်း ခွဲတမ်းအတိုင်း ၀ယ်ယူကြရပြန်ပါသည်၊
အင်အားကြီးမားသည့် မြေသြဇာနှင့် ပိုးသတ်ဆေးအပါအ၀င် လယ်ယာသုံးပစ္စည်းများ ရောင်းချပေးသည့်ဈေးကွက်ကိုလည်း စစ်အာဏာရှင် ထိပ်သီးကြီးများ ၏ သားသမီးများက လက်ဝါးကြီးအုပ်ထားကြပြန်ပါသေးသည်၊ လယ်သမားကို မည်သည့်နေရာမှာမှ ချမ်းသားပေးလေ့ မရှိကြပါ၊

စစ်အစိုးရအဆက်ဆက်၏ မတရားဖိနှိပ်အနိုင်ကျင့်မှု့ကြောင့် ဆင်းရဲမွဲတေလာကြရသည့် မြန်မာ့လူဦးရေ၏ ခွန်နှစ်ဆယ်ရာနုန်းကျော် လယ်သမားများအဖို့လည်း လယ်မှလွဲ၍အခြားလုပ်စရာမရှိကြပါ၊ ဒါကြောင့်ဆက်ပြီး လှုပ်ရှားနေကြရတဲ့ဘ၀တွေရယ်ပါ၊ မကြာခင်ကမှ မြန်မာနိုင်ငံတောင်သူလယ်သမားအသင်း ဥက္ကဌ ဒေါက်တာစိုးထွန်း က ပြောပါသေးတယ်၊ လယ်သမားတွေ စပါးများများစိုက်လျှင် များများရှုံးမည်တဲ့၊ သိပ်မှန်တဲ့စကားပါပဲ၊ သို့ပေမယ့် လယ်လုပ်စပါးစိုက်ကြသည့် မြန်မာတောင်သူလယ်သမားများအတွက် စပါးမစိုက်လျှင် အခြားမည်သည့်အလုပ်အကိုင် ဖြင့် ထမင်းဝ ခါးလှကြရမည်ဟု မည်သည့်အဖွဲ့အစည်း၊ မည်သည့်ပုဂ္ဂိုလ်တို့က တာဝန်ယူ အာမခံနိုင်ပါမည်နည်း၊

လွတ်လပ်ရေးရပြီး မြန်မာနိုင်ငံသမိုင်းတွင် ဆန်စပါးထုတ်လုပ်မှု့ အဓိက စီးပွားရေးဖြင့် ချမ်းသာကြွယ်ဝလာ သည့် မြန်မာနိုင်ငံသည် ယခုပစ္စုပွှန်ကာလမှာ ဆန်စပါးထုတ်လုပ်မှု့ကြောင့် လယ်သမားများ ဆင်းရဲမွဲတေလာကြပြီး ဆင်းရဲနိုင်ငံ ဖြစ်နေရသည်မှာ ဘာကြောင့်ဖြစ်နေပါသနည်းဟူသည့် မေးခွန်းကို ယနေ့စစ်တစ်ပိုင်းအစိုးရထဲမှ တာဝန်ခံပြီး သဘာဝကျကျ မှန်ကန်စွာ ဖြေဆိုနိုင်သူရှိပါသလား၊ လယ်လုပ်ရင်းကြွေးတင် ကျွန်ဖြစ်ရမည့် အခြေအနေကို ဘာကြောင့်ရောက်ရှိနေပါပြီလဲဆိုသည့် အဖြေကို ရရှိအောင် ယနေ့ စစ်တစ်ပိုင်းအစိုးရ၏ လွှတ်တော် ထဲတွင် ပွင့်လင်းမြင်သာစွာ ဆွေးနွေးညင်းခုံအဖြေရှာနိုင်ကြပါသလား၊ မေးခွန်းများတန်းစီနေပါပြီ၊

မကြာခင်က သမတကအတည်ပြုပေးလိုက်သည့် မြေလွတ်မြေရိုင်း ဥပဒေတို့၊ လယ်ယာမြေပေါင်နှံရောင်းချ ခွင့် ဥပဒေများလည်း ထွက်ပေါ်လာခဲ့ကြပါသည်၊ မည်သို့ဆိုစေ စစ်အာဏာရှင်က အချိန်မရွေး ပြန်လည် အာဏာသိမ်းနိုင်ပြီး လူထုတရပ်လုံးဆန္ဒဖြင့် ရေးဆွဲအတည်ပြုထားခြင်းမဟုတ်သော ၂၀၀၈ ဖွဲ့စည်းပုံအခြေခံဥပဒေ၏ ဘောင်ထဲမှနေ၍ သမတမှအတည်ပြုပြဌာန်းပေးနေသည့် ဥပဒေများသည် အနာကြီးရောဂါစွဲကပ်နေသည့် ကုတ္ထနူနာသည်ကို အယားပြေ ပွေးဆေးလိမ်းပေးသကဲ့သို့သာ ဖြစ်နေပါသည်၊ ရောဂါအရင်းအမြစ်ကို ရှောင်လွဲပြီး တစ်ပွဲထိုးသက်သာစေရန်လောက်သာ ဖြစ်နေပါသည်၊


ရခိုင်ပြည်နယ်မှ လွှတ်တော်အမတ်တစ်ဦး တင်သွင်းသည့် အဆိုကြောင့် မြေလွတ်မြေရိုင်းဥပဒေကို ပြုပြင်ထုတ်ပြန်ပေးခဲ့ပါသည်၊
ရခိုင်ပြည်နယ်အတွင်း လယ်ယာမြေများကို စစ်တပ်နှင့် ကုမ္မဏီတို့က သိမ်းယူမှု့များအပြင် မြေလွတ်မြေရိုင်းများကိုလည်း သိမ်းယူမှုများရှိခဲ့သဖြင့် သမတမှ ဥပဒေတရပ် ပြဌာန်းပေးသော်လည်း ယခင်ကိုလိုနီ ခေတ် မြေလွတ်မြေရိုင်းဥပဒေ၊ ဖ.ဆ.ပ.လခေတ်က ဥပဒေနှင့် စစ်အာဏာရှင်အဆက်ဆက်မှာတည်ရှိခဲ့သည့် မြေလွတ် မြေရိုင်းဥပဒေတို့က တိကျစွာပယ်ဖျက်ခြင်း၊ ပြန်လည်ရေးဆွဲ အတည်ပြုခြင်း စသည်တို့ကိုလည်း ပွင့်လင်းမြင်သာအောင် ထုတ်ပြန်ရန် လိုအပ်ပါသည်၊
ထိုနည်းတူ မကြာခင်က လယ်ယာမြေရောင်းချ ပေါင်းနှံလွှဲပြောင်းခွင့်ရှိသည့် ဥပဒေတစ်ခုကို သမတမှ အတည်ပြုပေးခဲ့ပြန်ပါသည်၊
သို့သော် လည်းကောင်း ဥပဒေကြောင့် မြေရှင်ကြီးစနစ်မျိုး ပြန်လည် မပေါ်ပေါက်စေရန် တားမြစ်ကာကွယ်သည့် နည်းဥပဒေများ ပြည့်စုံစွာ ပြဌာန်းပေးရန်လည်း လိုအပ်ပါသည်၊ သို့မဟုတ်ပါက ကိုလိုနီခေတ်ကလို ချစ်တီးတစ်ဦးက လယ်မြေဧကပေါင်း သောင်းကျော်ပိုင်သွားပြီး မြေရှင်ကြီးစနစ်ဖြင့် လယ်သမားများ လယ်ယာမြေများစွာ လက်လွတ်ဆုံးရှုံးခဲ့ရဘူးသည်ကို သတိပြုရပါမည်၊
ယခုလည်း စစ်အာဏာရှင် ဟောင်းနှင့်အသစ်များအပြင် ခရိုနီများ၊ ကုမ္မဏီများက လယ်ယာမြေဧက သောင်းကျော်ပိုင်ဆိုင်ခွင့် ရရှိသွားပြီး မြေရှင်စနစ်ပြန်လည်ခေါင်းထောင်လာမည်ကို လွန်စွာစိုးရိမ်စရာဖြစ်ပါတော့သည်၊ ဒါကြောင့် ယခင်ဥပဒေဟောင်း များနှင့် ယခုလက်ပူတိုက် ထုတ်ပြန်နေသည့် မြေယာဥပဒေများသည် မည်သို့ကွာခြားပြီး မည်သူ့ကိုအကျိုးဖြစ်စေ မည်ဆိုတာကို ပွင့်လင်းစွာ လူထုကိုချပြရပါမည်၊


မြန်မာနိုင်ငံသည် တောင်သူလယ်သမားနိုင်ငံဖြစ်သည့်အတွက် လယ်ယာမြေဥပဒေသည် တရားမျှတပြီး တောင်သူလယ်သမားများ၏ အကျိုးကို ရှေးရှုရေးဆွဲပြဌာန်းနိုင်ပါမှ သန့်ရှင်းကောင်းမွန်ပြီး ဒီမိုကရေစီရှိသော အစိုးရတရပ် ဖြစ်ပါလိမ့်မည်၊ လယ်ယာမြေဥပဒေကိုရေးဆွဲရာတွင်လည်း ပညာရှင်များနှင့် နိုင်ငံတကာမြေယာဥပဒေသ များကို လေ့လာဆည်းပူးကြရန်လိုအပ်ပါသည်၊ သို့သော် မပြည့်စုံနိုင်ပါ၊ အခြားနိုင်ငံများနှင့်အခြေခံအချက်များ တူညီမည် မဟုတ်ပါ၊ ထို့ကြောင့် မြန်မာ့လယ်ယာမြေဥပဒေကို ရေးဆွဲလျှင် အဓိကအခြေခံရမည့် ရည်ရွယ်ချက်မှာ လယ်သမားများ၏ စားဝတ်နေရေးဖူလုံရုံသာမကဘဲ တိုးတက်မှု့ရှိနေရမည်ဆိုသည်ကို အဓိကထားသည့် ရှု့ဒေါင့်မှ ရေးဆွဲရပါလိမ့်မည်၊ သို့အတွက်ကြောင့် အမှန်တကယ် လယ်ယာလုပ်ကိုင်စားသောက်သည့် လယ်သမားများ အတွက် မြို့နယ်အလိုက်၊ ပြည်နယ်နှင့်တိုင်းများအလိုက် အဆင့်ဆင့်သော လယ်သမားသမဂ္ဂအဖွဲ့အစည်းများကို မှန်ကန်စွာ ဖွဲ့စည်းတည်ထောင်ပြီး ထို သမဂ္ဂကိုယ်စားလှယ်များကိုယ်တိုင် ပါဝင်ရေးဆွဲသော လယ်ယာမြေဥပဒေဖြစ်ရန် လွန်စွာ အရေးကြီးလှပါသည်၊ ပါတီကောင်စီခေတ် လယ်သမားအစည်းအရုံးဆိုတာမျိုးလည်း လုံးဝမဖြစ်စေရပါ၊

ယနေ့ မြန်မာနိုင်ငံသည် လွတ်လပ်သောဈေးကွက်စီးပွားရေးစနစ်ကို အာမခံနိုင်သည့် အရင်းရှင်လစ်ဘရယ် ဒီမိုကရေစီစနစ်ဆီသို့ ဦးတည်နေပါသည်၊ သို့သော် စစ်အာဏာရှင်ဟောင်းများနှင့်ခရိုနီကြီးတို့က လယ်ယာမြေများ၊ ရေနက်ကွင်းများ၊ မြေလွတ်မြေရိုင်းများအပြင် ဥယာဉ်ခြံမြေလုပ်ကိုင်နိုင်သည့် မြေများကို အလွန်အကျွံသိမ်းပိုက်ဝါးမျိုး ထားကြပြီးဖြစ်သည်နှင့်အညီ လယ်သမားပိုင်ဆိုင်ခွင့်ရှိသည့် မြေများနှင့်နိုင်ငံတော်ပိုင်မြေဖြစ်ရမည့် မြေများနှင့် ပတ်သက်သော ဥပဒေများကို အမှန်အကန်ဖြစ်စေရန်အတွက် လိုလားကြမည်တော့မဟုတ်ကြပါ၊ ထို့အတွက်ကြောင့် နည်းအမျိုးမျိုးဖြင့် နှောက်ယှက်ဟန့်တားနေမည်မှာ သေချာလှပါသည်၊ ၂၀၀၈ ဥပဒေအထက်တွင် လွတ်တော်ရှိသည်ဖြစ်စေ မရှိသည်ဖြစ်စေ လူထုအတွက် အားရစရာမရှိသေးပါ၊ အဘယ်ကြောင့်ဆိုသော် မစ္စတာကင်တားနားက မကြာခင်က ပြောသလို ၂၀၀၈ဖွဲ့စည်းပုံသည် လူ့အခွင့်အရေးကို အာမမခံနိုင်သေး သောကြောင့်ဖြစ်ပါသည်၊ မြန်မာနိုင်ငံ၏ စီးပွားရေးလုပ်ငန်းအားလုံးလိုလိုကို စနစ်တကျဖြင့် လက်ဝါးကြီးအုပ်ရန် ကြိုတင်ပြီး သားစဉ်မြေးဆက် ထာဝရချမ်းသာရေးအတွက် စီမံချက်များချမှတ်လုပ်ဆောင်နေသည့် စစ်အာဏာရှင် အဟောင်းနှင့် အသစ်များအပြင် ခရိုနီများသည် တိုင်းသူပြည်သားအများစုဖြစ်သော လယ်သမားများ၏ အကျိုးကို ရှေးရှုရေးဆွဲမည့် မြေယာဥပဒေပေါ်ပေါက်လာလျှင် လက်ရှိ အဓမ္မသိမ်းယူထားသည့် မြေယာများကို ပြန်လည်ပေးကြရမည့်အပြင် လယ်သမားများ၏ နစ်နာမှု့များအတွက် တာဝန်ရှိသူများက ဖြေရှင်းရန်လည်း ဖြစ်လာပါလိမ့်မည်၊

ဒါကြောင့် စစ်တစ်ပိုင်းအစိုးရသည် ၂၀၀၈ဖွဲ့စည်းပုံကို အလွယ်တကူပြုပြင်လို့မရအောင် ဆယ်နှစ်ကျော်အချိန် ယူရေးဆွဲပြီး အဓမ္မပြဌာန်းအတည်ပြုထားပါသည်၊ ကာကွယ်ရေးနှင့် လုံခြုံရေးဦးစီးချုပ်၏တာဝန်သည် လူထုနှင့် တိုင်းပြည်အတွက်ဆိုတာထက် လူတစ်စုနှင့် သူတို့၏အကျိုးစီးပွားအတွက် ကာကွယ်ရန်သာ ဖြစ်နေသည့် ၂၀၀၈ဖွဲ့စည်းပုံဆိုတာ လူတိုင်းသိနေပြီးသားဖြစ်ပါသည်၊

သို့သော် အာဏာရှင်တစ်စု၏ အကျိုးစီးပွားကို ကာကွယ်ရေးအတွက် လက်ရှိအစိုးရ၏ ကျိုးပမ်းမည့်အချက် များကိုလည်း လူထုက ကြိုတင်သိရှိပြီးသား ဖြစ်နေပါသည်၊ ရှစ်ဆယ့်ရှစ်အရေးတော်ပုံကြောင့် မျောက်သစ်ကိုင်းလွတ် ဖြစ်ခဲ့သည့် စောမောင်၊သန်းရွှေ အစိုးရတို့သည် သူတို့ ပေါက်ဖေါ်တရုပ်ကို များစွာသော စီးပွားရေးလုပ်ကွက်များအပြင် စစ်ရေးအရပါ ဗျူဟာမြောက်လုပ်ငန်းများပေးပြီး လာဘ်ထိုးကာ သက်ဆိုးရှည်ခဲ့သော်လည်း အမေရိကန်၏ အရှေ့တောင်အာရှနှင့် အာစီယံနိုင်ငံများအပေါ်ထားရှိသည့် မဟာဗျူဟာပြောင်းလဲလာမှု့ကြောင့် တရုပ်သစ်ကိုင်းမှ အမေရိကန် သစ်ကိုင်းသို့ ခုန်ကူးပြောင်းလဲလိုက်ရပါသည်၊

ထို့ကြောင့် စစ်တစ်ပိုင်းအစိုးရအဖို့ သူတို့လူတစ်စု၏ အကျိုးစီးပွားကို ကာကွယ်ရေးအတွက် စစ်အာဏာရှင် တို့၏ ထုံးစံအတိုင်း လာဘ်ထိုးပြီး သက်ဆိုးရှည်ရန် ကျိုးပမ်းနေကြရပြန်ပါပြီ၊ အမေရိကန်နှင့်အနောက် အုပ်စုကို မဟာဗျူဟာမြောက် စစ်ရေးနှင့်စီးပွားရေးကွက်များကို လိုက်လျှောရသည့်အပြင် ကာယကံရှင်များသာသိနိုင်သည့် လာဘတ်ထိုးမှု့များမှာ နည်းမည်တော့ မဟုတ်ပါ၊ ၂၀၀၈ မတရားဖွဲ့စည်းပုံအောက်တွင် လှိမ့်ပိန့်ဝင်လာနေသော နိုင်ငံတကာက ရင်းနှီးမြုတ်နှံမှု့လုပ်ငန်းများကို ကြည့်လျှင်သိနိုင်ပါသည်၊

နိုင်ငံတကာက ရင်းနှီမြှုတ်နှံသည့် စီးပွားရေးလုပ်ငန်းပေါင်းစုံနှင့်အတူ ပြည်တွင်းလုပ်ငန်းရှင်အမည်ခံ စစ်အာဏာရှင်နှင့်ခရိုနီများက သူတို့ခိုးရာပါအရင်းအနှီးများနှင့် ရောသမမွှေပြီး နိုင်ငံတကာကအားပေးကျားကန်မှု့ကို အရယူရန် ကြိုးပမ်းဆဲကာလလည်းဖြစ်နေပါသည်၊ မြန်မာလူထုသည် နိုင်ငံတကာရင်းနှီးမြုတ်နှံမှု့ဆိုတာကို ကြိုဆိုပါသည် လိုလားပါသည်၊ ဒီမိုကရေစီနိုင်ငံများက မြန်မာပြည်တွင်းကို များများဝင်လာလေလေ ကြိုက်လေ လေပင်ဖြစ်ပါသည်၊ သို့သော် ပြည်တွင်းက ခိုးရာပါတိုက်ရာပါ ဥစ္စာဓနတို့ဖြင့် ကြွယ်ဝသူများ တစ်တိုင်းတစ်ပြည်လုံးကို ဆင်းရဲမွဲပြာကျအောင်လုပ်ခဲ့ကြသူ စစ်အာဏာရှင်နှင့် ခရိုနီတစ်စုကို ဆက်လက်ပြီးပူးပေါင်းမြှောက်ပင့်ကာ အကျိုးတူစီး ပွားရှာကြမည်ဆိုလျှင်တော့ မြန်မာလူထုက လက်ခံနိုင်မည်မဟုတ်ပါ၊ ဟိုတုံးက ဘိန်းဘုရင်သည် ယခု ဘုရားဒကာ ဖြစ်ရမည် ဆိုသည့် အယူအဆကို မြန်မာများမကြိုက်ကြပါ၊

မြန်မာတို့သည် အယူအဆအတွေးအခေါ်အားဖြင့် မနိမ့်သောလူမျိုးများဖြစ်ကြပါသည်၊ အင်ဒိုနီးရှား၊ထိုင်း၊ စင်္ကာပူတို့နှင့်မတူပါ၊ ရုပ်ဝတ္ထုချမ်းသာခြင်းထက် စိတ်ချမ်းသာခြင်းကို နှစ်သက်ပြီး အမှန်တရားကို မြတ်နိုးသူများသာ ဖြစ်ပါသည်၊ ရောင့်ရဲတင်းတိမ်လွယ်သော လူမျိုးလည်းဖြစ်သည်၊ ဒါကို နိုင်ငံခြားသားများ သဘောပေါက်ပြီး မြန်မာလူထုကြီး အကျိုးကိုရှေးရှု့ပြီး ရင်းနှီးမြုတ်နှံရန်သာ ဖြစ်ပါသည်၊ လူထုအကျိုးက တစ်ပဲသား ခရိုနီအကျိုးက တစ်ခွဲသားဆိုတာမျိုး မဖြစ်အောင် သတိချပ်ရပါမည်၊

၂၀၀၈ဖွဲ့စည်းပုံနှင့်အစိုးရသစ်၏အောက်တွင် ယနေ့မြန်မာ့တောင်သူလယ်သမားများသည် ကြွေးတင်ကျွန်ဖြစ် မခံနိုင်ပါ၊ ကြွေးတင်ရခြင်းမှာလည်း အစိုးရလုပ်စားသူများ၏ အဆိုးရွားဆုံး စီမံဆောင်ရွက်မှု့များကြောင့်သာဖြစ်ပါသည်၊ ထို့ကြောင့် အဓိကတရားခံမှာ အစိုးရပင်ဖြစ်နေပါသည်၊ မြန်မာနိုင်ငံတွင် မည်သို့သောအစိုးရမျိုးပင် တက်ရောက် အုပ်ချုပ်သည်ဖြစ်ပါစေ လူများစုဖြစ်သော တောင်သူလယ်သမားများအတွက် စားဝတ်နေရေးပြည့်ဝချောင်လည်ပြီး ဘ၀လုံခြုံမှု့အပြည့်ရှိရန် ဆောင်ရွက်နိုင်မည့် အစိုးရမျိုးကိုသာ လက်ခံကြပါလိမ့်မည်၊ သို့မဟုတ်ပါက ခေတ်သစ် တောင်သူလယ်သမားအရေးတော်ပုံ်ကြီး ပေါ်ပေါက်လာပါလိမ့်မည်၊

တောင်သူလယ်သမားများ ထမင်းတစ်နပ်လျှော့စားရန်မလိုပါ၊ လိုအပ်နေသည်မှာ ၂၀၀၈ဖွဲ့စည်းပုံကိုဖျက်သိမ်း ပြီး ဖွဲ့စည်းပုံအခြေခံဥပဒေသစ်ကို လူထုဆန္ဒနှင့်အညီ ရေးဆွဲကြရပါမည်၊ တောင်သူလယ်သမားများ၏ အကျိုးစီးပွား ဖြစ်ထွန်းစေမည့် မြေယာဥပဒေသများကို လယ်သမားအများစု၏ ဆန္ဒနှင့်အညီ ရေးဆွဲပြဌာန်းပေးရပါမည်၊ အာဏာရှင်နှင့် ခရိုနီများ၏ ကုမ္မဏီအမျိုးမျိုးတို့က သူတို့သဘောနှင့်သူတို့ ဥပဒေများအတိုင်း သိမ်းပိုက်ထားသည့် မြေယာ ဥယဉ်ခြံမြေ၊ မြေလွတ်မြေရိုင်းနှင့် တောတောင် မြစ်ချောင်း အင်းအိုင်မှန်သမျှကို ပြန်လည်ပြီး လက်လွှတ်ပေး ကြရမည်ဖြစ်သည်၊

အချုပ်ဆိုရသော် တိုင်းဖျက်ပြည်ဖျက် လောဘဇောတတ်နေသည့်လူတစ်စု၏ မျက်နှာကို ကြည့်မနေသင့်တော့ ဘဲ လူထုကြီးတစ်ရပ်လုံး၏ ရင်ဆိုင်ကြုံတွေ့နေရသည့် ဘ၀ဆိုးကြီးကို ကယ်တင်ကြရန် သမတကြီး၊ကာလုံမှအစ စစ်ဘက်နယ်ဘက်မှ တိုင်းပြည်နှင့်လူထုအပေါ်စေတနာထားသူများအားလုံးသည် ရဲရဲဝံ့ဝံ့ဖြင့် လူထုဘက်မှရပ်တည်ကြ ပြီး ဖွဲ့စည်းပုံအသစ်နှင့်အတူ ပြည်သူ့အစိုးရတရပ်ပေါ်ပေါက်ရေးကို ကျိုးပမ်းကြရန်သာဖြစ်ပါကြောင်း။ ။

ဦးဖိုးသာအောင်

ဟစ်တိုင်
Continue Reading | comments

နိုင်ငံခြား သတင်းထောက်များအတွက် ကာလရှည်ဗီဇာများ ထုတ်ပေးတော့မည်၊ သတင်းထောက်များ အနေဖြင့် ခရီးသွားဗီဇာ သို့မဟုတ် အမည်ဝှက်ဖြင့် ဝင်ရောက်လာရန် မလိုတော့



သတင်းစာ လွတ်လပ်ခွင့်ကို ကျယ်ကျယ်ပြန့်ပြန့်ပေးရန် ရည်ရွယ် ၍ စည်းမျဉ်းဥပဒေသစ်များ ပြဋ္ဌာန်းပြီးနောက် တွင် နိုင်ငံခြား သတင်းထောက်များကို ကာလတို၊ ကာလရှည် ဂျာနယ်လစ်ဗီဇာများဖြင့် တစ်နှစ်ကြာ အတိုင်း အတာ အထိ မြန်မာနိုင်ငံတွင် နေထိုင်အလုပ် လုပ်နိုင်ရန် ခွင့်ပြုတော့မည် ဖြစ်ကြောင်း သိရှိရသည်။
စည်းမျဉ်း ဥပဒေသစ်များမှာ ပြည်တွင်း၊ ပြည်ပသတင်းထောက် များကို အစိုးရအရာရှိများနှင့် ထိ တွေ့ခွင့် ပိုမို ရရှိရန် ရည်ရွယ်ခြင်း ဖြစ်ပြီး လာမည့် ဧပြီလ လယ်လောက် တွင် စတင် အကောင်အထည်ဖော်မည် ဖြစ်ကြောင်း ပြန်ကြားရေး ဝန်ကြီး နှင့် သမ္မတ၏ ပြောခွင့်ရပုဂ္ဂိုလ် ဦးရဲထွဋ်က ဂါးဒီးယန်း သတင်းစာသို့ ပြောကြား ခဲ့သည်။

“အတိတ်ကာလ တုန်းကတော့ အစိုးရက ဂျာနယ်လစ်တွေရဲ့ လှုပ် ရှားမှုတွေကို ထိန်းချုပ်ဖို့ကြိုးစားတဲ့ အနေနဲ့ ဂျာနယ်လစ် ဗီဇာတွေ ထုတ်ပေးခဲ့တာ။ အခုတော့ ဝန်ကြီးဌာနတွေဆီ ဂျာနယ်လစ်တွေ ရောက်နိုင်ဖို့ ကျွန်တော်တို့က ဗီဇာထုတ်ပေးမှာ။ တကယ်လို့ သူက အစိုးရ အရာရှိတစ်ဦးနဲ့ အင်တာဗျူး လုပ်ချင်တယ်။ ဒါပေမယ့် သူ့မှာ ဂျာနယ်လစ် ဗီဇာမရှိရင် သူတွေ့ခွင့် ရနိုင်မှာ မဟုတ်ဘူး” ဟု သူက ဆိုပါသည်။

ဤလုပ်ဆောင်ချက်က သတင်းထောက်များ အနေဖြင့် ခရီးသွားဗီဇာ သို့မဟုတ် အမည်ဝှက်ဖြင့် ဝင်ရောက် လာရန် မလိုတော့ဟု အဓိပ္ပာယ်ရပြီး မြန်မာနိုင်ငံ၏ စာပေဆင်ဆာ ဥပဒေများ အားလုံး မဟုတ်သည့်တိုင် အချို့ကို ဖျက်သိမ်း ကာ နိုင်ငံခြား သတင်းသမား အများစုကို အမည်မည်း စာရင်းမှ ဖယ်ရှားပေးခဲ့ရာမှ ဆက် လက်ပေါ်ပေါက် လာခြင်း ဖြစ်သည်။

ထို့ပြင် အစိုးရအရာရှိများကို သတင်းစာနှင့် ဆက်ဆံတတ်အောင် ရည်ရွယ်၍ ယူနက်စကိုနှင့်ဒေသခံ မီဒီယာများ ကြီးကြပ်သည့် သင်တန်းများလည်း ပို့ချခဲ့ကြောင်း ဦးရဲထွဋ် က ပြောသည်။ “ဟိုတုန်းကတော့ ဂျာနယ်လစ် တော်တော် များများဟာ တိုးရစ်ဗီဇာနဲ့ မြန်မာနိုင်ငံကို ဝင်လာကြတယ်။ အစိုးရ အရာရှိတွေက သူတို့နဲ့ ပြောတဲ့ ဆိုတဲ့ နေရာမှာ အမှားပါသွားရင် သူတို့ အလုပ်ပြုတ်မှာ။ ဒီတော့ သူတို့က အထူးသတိ ထားရတယ်။  တစ်ခါတလေ ဆို နိုင်ငံခြား ဂျာနယ်လစ်တွေနဲ့ စကားပြောရမှာ ဝန်လေးကြတယ်” ဟု သူ က ရှင်းလင်း ပြောပြ သည်။

ယခုအခါ သမ္မတ ဦးသိန်းစိန် ၏ ညွှန်ကြားချက်ဖြင့် ဝန်ကြီးဌာနတိုင်းတွင် မီဒီယာမေးမြန်းမှုများကို ဖြေကြားရန် ကိုယ်ပိုင် ပြောရေးဆိုခွင့် ရှိသူများ ထားရှိသည်ဟု သိရသည်။ မီဒီယာစည်းမျဉ်း ဥပဒေသစ်များအရ ဂျာနယ်လစ် များသည် တရားဝင် အသိအမှတ်ပြုမှု ရရှိရန် CV ဖောင် နှင့် မိမိတို့ သတင်းဌာနမှ ထောက်ခံစာ လိုအပ်မည် ဖြစ်သည်။ ခွင့်ပြုချက် ရရှိပါက ထိုသတင်းထောက်များကို Free Press Card နှင့် မြန်မာနိုင်ငံတွင် လုပ်ငန်း လုပ်ဆောင်မည့် အချိန် ကာလအတွက် ဗီဇာများထုတ်ပေးမည် ဖြစ်သည်။ မြန်မာနိုင်ငံတွင်း ဝင်ထွက် သွားလာမည့် သတင်းသမား များကို ၃ လမှ ၆ လကြား ကြူအင-နညအမပ ဗီဇာများခွင့်ပြုမည် ဖြစ်ပြီး နိုင်ငံခြား သတင်းဌာန ဖွင့်လှစ်ရန် ရည်ရွယ်သူများကို ၁ နှစ်အထိ ဗီဇာ များ ထုတ်ပေးမည်ဖြစ်ကြောင်း ဝန်ကြီးက  ပြောကြားသည်။ စည်းမျဉ်း ဥပဒေသစ်များ ပြီးစီးလျှင် တိုး ရစ်ဗီဇာဖြင့် မြန်မာနိုင်ငံသို့ ဝင်လာပြီး သတင်း ရေးသား ပေးပို့သူ သတင်း သမားများကို တရားမဝင် သတ်မှတ်မည် ဖြစ်ကြောင်း ဦးရဲထွဋ်က ဆိုပါသည်။ ပြည်တွင်း သတင်းသမား များကိုလည်း ဧပြီလပတ်ဝန်းကျင် တွင် လွတ်လပ်သော စာနယ်ဇင်းကောင်စီမှ စာနယ်ဇင်းကတ်များ ထုတ်ပေးသွားမည်ဟု သူက ဖြည့်စွက် ပြောကြားခဲ့သည်။ အခွင့်အရေး လှုပ်ရှားသူ အဖွဲ့များကမူ ဤသတင်းကို သတိဖြင့် ကြိုဆိုလိုက်ပြီး ဗီဇာကို မည်သည့် အချက်များပေါ်တွင် မူတည် အကဲဖြတ်မည်၊ အစိုးရအပေါ် ဝေဖန် ခွင့်ပြုမည်၊ လွတ်လပ်စွာ သတင်း ရေးသားခွင့် ပြုမည်၊ မပြုမည်ကို မသိ ရသေးကြောင်း သတိပေး ပြောဆိုကြသည်။


Ref: kate Hodal;guardian.co.uk
Continue Reading | comments

ကုလသမဂ္ဂ အကူအညီပေးရေး အဖွဲ့အစည်းများ ကချင်ဒေသများသို့ ဝင်ရောက်ခွင့်ရပြီ


အစိုးရနှင့် လက်နက်ကိုင် ကချင်တပ်ဖွဲ့တို့ အကြား စစ်ပွဲအရှိန် မြင့် တက်လာခဲ့ပြီး နောက်ပိုင်း ပထမဆုံး အကြိမ် အဖြစ် ကုလသမဂ္ဂကူညီ မှုအဖွဲ့အစည်းများကို ကချင်စစ်ဘေး သင့်ဒေသများသို့ သွားရောက် ခွင့်ပြုမည် ဖြစ်ကြောင်း၊ မြန်မာ အစိုးရ အရာရှိများက ဖေဖော်ဝါရီ ၆ ရက်တွင် ထုတ်ဖော်ပြောကြား လိုက်သည်။
 
သမ္မတရုံး ပြောရေးဆိုခွင့်ရ ပုဂ္ဂိုလ် ဦးရဲထွဋ်က အဆိုပါ သတင်းကို အတည်ပြုပြောကြားပေးခဲ့ခြင်းဖြစ်ပြီး အဆိုပါ အဖွဲ့များတွင် လိုက်ပါမည့် သူများ၊ ဆောင်ရွက်မည့် လုပ်ငန်းစဉ် များနှင့် လုံခြုံရေးတာဝန်ခံမည့်သူများ ကိစ္စကိုမူ ဆွေးနွေး တိုင်ပင်ရဦးမည် ဖြစ်ကြောင်း၊ အီးမေးလ်ဖြင့် ပြန်လည် ဖြေကြားချက်တွင် ဦးရဲထွဋ်က ရေး သားဖော်ပြခဲ့သည်။ ကုလသမဂ္ဂ အဖွဲ့အစည်း ကိုယ်စားလှယ်ပြောရေး ဆိုခွင့်ရှိသူ ဦးအေးဝင်းက တိုက်ပွဲ အရှိန်မြင့်တက်လာခဲ့သော ဒီဇင်ဘာ လနောက်ပိုင်းတွင် ပထမဆုံး အကြိမ်အဖြစ် လူမှုရေး အထောက်အကူများ ပေးအပ်ခွင့် ရရှိခြင်းမှာ အဓိပ္ပာယ် လေးနက် လှကြောင်း ပြောကြားသွားခဲ့သည်။

ကုလသမဂ္ဂ အဖွဲ့အစည်းများသည် ကချင်ပြည်နယ် ဒေသများအတွင်းသို့ ၂ဝ၁၂ ခုနှစ်၊ ဇူလိုင်လ နောက်ပိုင်းမှ စ၍ သွားရောက်ခွင့် မရရှိခဲ့ပေ။

ကချင်ပြည်နယ် ပဋိပက္ခသည် တင်းကျပ်သော စစ်အုပ်ချုပ်ရေး လက်အောက် ရာစုနှစ်ဝက်ခန့်ကြာ မြင့်ခဲ့ပြီးမှ လွတ်မြောက် လာပြီး ဒီမိုကရေစီ ပြုပြင်ပြောင်းလဲရေးများကို အကောင်အထည်ဖော် ဆောင်ရွက်နေဆဲ မြန်မာ နိုင်ငံ၏ တိုးတက် ဖြစ်ပေါ်မှု များ အပေါ် အရိပ်မည်းထိုးလျက် ရှိနေပေသည်။
Ref: Myanmar to allow UN Aid deliveries to Kachin State AP
Continue Reading | comments

AIR KBZ လေကြောင်းလိုင်းမှ ဝယ်ယူထားသော ATR 72-600 လေယာဉ်သစ် ရန်ကုန် အပြည်ပြည် ဆိုင်ရာ လေဆိပ်သို့ ရောက်ရှိ

ရန်ကုန်  ဖေဖော်ဝါရီ  ၁၁
 
AIR KBZ လေကြောင်းလိုင်း မှ ဝယ်ယူ ထားသော ပြင်သစ် နိုင်ငံလုပ် ATR 72-600 အမျိုးအစား လေယာဉ်သစ် နှစ်စင်း အနက် ပထမ တစ်စင်းသည် ယနေ့ နေ့လယ်ပိုင်း တွင်  ရန်ကုန် အပြည်ပြည် ဆိုင်ရာ လေဆိပ်သို့ ရောက်ရှိ ခဲ့သည်။ ထပ်မံ ဝယ်ယူ ထားသော ဒုတိယမြောက် ရောက်ရှိမည့် ATR 72-600 လေယာဉ် အသစ်မှာလည်း ၂ဝ၁၃ ခုနှစ်  ဇွန်လပိုင်းတွင်  ရန်ကုန်မြို့ သို့ ရောက်ရှိမည် ဖြစ်ကြောင်း သိရ သည်။
 
AIR KBZ အနေဖြင့် ၂ဝ၁၃ ခုနှစ် နှစ်လယ်ပိုင်း မှစ၍ ATR 72-500 လေယာဉ် အမျိုးအစား လေးစင်း၊ ATR 72-600 လေယာဉ် အမျိုးအစား နှစ်စင်း  စုစုပေါင်း လေယာဉ်သစ် ခြောက်စင်းဖြင့် လက်ရှိ ပြေးဆွဲနေသော ရန်ကုန်၊ မန္တလေး၊ ညောင်ဦး၊  ဟဲဟိုး၊ လားရှိုး၊ တာချီလိတ်၊ ကျိုင်းတုံ၊ ကလေး၊ မြစ်ကြီးနား၊  သံတွဲ၊ စစ်တွေ၊    ထားဝယ်၊  မြိတ်၊ ကော့သောင်း  စသည့်မြို့ကြီးများ အပြင်ဆက်လက်၍ နေပြည်တော်၊ မုံရွာ၊ ဟုမ္မလင်း၊ ဗန်းမော်၊ ပူတာအို၊ ကျောက်ဖြူစသည့် မြို့ကြီး ၂ဝ သို့ တိုးချဲ့ပျံသန်း  ပြေးဆွဲ သွားမည်ဖြစ် ကြောင်း သတင်း ရရှိသည်။
Continue Reading | comments

မြန်မာ့ လာဘ်စားမှု တိုက်ဖျက်ရေး စစ်ဆင်မှု အတွင်း ထောင်နှင့်ချီသော ဗျူရိုကရက်များ အရေးယူခံရ၊ လာဘ်စားမှုတွင် ပါဝင်သူ ၃၈ဝ ဦးခန့်ကို ထောင်ဒဏ်များ ချမှတ်ခဲ့ကြောင်း သိရ




မြန်မာ၏ “ကောင်းမွန်သော အုပ်ချုပ်မှုနှင့် သန့်ရှင်းသော အစိုးရ” လှုပ်ရှားမှု နောက်ပိုင်းတွင် နိုင်ငံဝန် ထမ်း ၁၇,ဝဝဝ ခန့် အပြစ်ပေး အရေးယူခံခဲ့ရပြီး ထိုအထဲမှ ၃၈ဝ ကို ထောင်ဒဏ်များ ချမှတ်ခဲ့ကြောင်း အစိုးရ သတင်း တစ်ရပ်အရ သိရှိရသည်။

ရဲတပ်ဖွဲ့ဝင် အများအပြား အပါအဝင် ဝန်ထမ်း ၁၆,၉၅၂ ဦးကို ၂ဝ၁၁ ဧပြီမှ ၂ဝ၁၂ ဒီဇင်ဘာ အတွင်း အရေးယူ ခဲ့ကြောင်း၊ ယခု အပတ်တွင်း အစိုးရမှ လွှတ်တော်သို့ ပေးပို့သည့် အစီရင်ခံစာကို အေအက်ဖ် ပီသတင်းဌာနက သိရှိခဲ့ရသည်ဟု ကြာသပတေးနေ့တွင် ပြောကြား သည်။ ၂ဝ၁၁ ဧပြီတွင် အဆုံးသတ်ခဲ့သော စစ်ဘက် အစိုးရ ၏ အကျင့်ပျက်ခြစားမှု ဆယ်စုနှစ်များ နောက်တွင် ဒီမိုကရေစီ ပိုမိုဖြစ်ထွန်း ရေးနှင့် တရားဥပဒေစိုးမိုးရေး ပြုပြင် ပြောင်းလဲမှုများ၏ အစိတ်အပိုင်း အဖြစ် သမ္မတ ဦးသိန်းစိန်က လာဘ်စားမှုကို ချေမှုန်းရန် ကတိကဝတ် ပြုခဲ့သည်။

အစီရင်ခံစာတွင် စွပ်စွဲသော ပြစ်မှုများကို အသေးစိတ်ဖော်ပြထား ခြင်းမရှိသော်လည်း အပြစ်ပေး အရေးယူမှု များမှာ ထောင်ဒဏ်နှင့် တာဝန် မှထုတ်ပယ်ခြင်းမှသည် သတိပေး စာပေးပို့ခြင်းနှင့် လုပ်ခလစာ ဖြတ်တောက်မှု များအထိ ပါဝင်ကြောင်း၊ ၃၈ဝ ဦးကို ထောင်ဒဏ်ချမှတ်ခဲ့ပြီး ၄၉ဝဝ ကျော်ကျော်ကို အလုပ်မှ ဖြုတ်ပယ် ခဲ့ကြောင်း၊ ၈ဝ ကို ငွေ ပေးလျော်စေပြီး ရဲ ၆၈၉ ဦးကို အပြစ်ပေးအရေးယူခဲ့ကြောင်း သိရှိ ရသည်။

 “ကောင်းမွန် သော အုပ်ချုပ်မှုနှင့် သန့်ရှင်းသော အစိုးရဖြစ်ပေါ် ရေးအတွက် ဝန်ကြီးဌာနများကို စုံစမ်း စစ်ဆေးခဲ့ပြီး အရေးယူမှု များကို လုပ်ဆောင်ခဲ့သည်ဟု အာဏာရ ပြည်ထောင်စု ကြံ့ခိုင်ရေးနှင့် ဖွံ့ဖြိုးရေးပါတီ (UNDP) လွှတ်တော် အမတ်တစ်ဦး တင်သွင်းသော အဆိုတစ်ခု နောက်တွင် ထုတ်ပြန်ခဲ့သည့် အဆိုပါအစီရင်ခံစာက ဆိုပါသည်။

ဇန်နဝါရီလ နှောင်းပိုင်းတွင် ဆက်သွယ်ရေး ဝန်ကြီးဌာနတွင်း အဆင့်မြင့် အကျင့်ပျက်ခြစားမှုအတွက် စုံစမ်း စစ်ဆေးမှု ပြုလုပ်ခဲ့ပြီး ပုဂ္ဂလိက စီးပွားရေး လုပ်ငန်းများ ထံမှ နိုင်ငံပိုင်ချေးငွေ ဒေါ်လာသန်းပေါင်း များစွာကို ပြန်လည် ရယူရန် အမိန့် ထုတ်ခဲ့ရာ လာဘ်စားသော အာဏာပိုင်များကို ရှားရှားပါးပါး လူသိရှင်ကြား ကိုင်တွယ်မှု တစ်ခုဖြစ်သည်။ လာဘ်စားမှု တိုက်ဖျက်ရေး ဥပဒေသစ် က အစိုးရနှင့် ပုဂ္ဂလိကကဏ္ဍနှစ်ခု စလုံးရှိ အကျင့်ပျက် ခြစားမှုတွင် ပါဝင်ပတ်သက်သူများကို စုံစမ်းဖော် ထုတ်၍ ထိထိမိမိ တရားစွဲဆိုနိုင်စေ ခဲ့ကြောင်း၊ မကြာသေးမီက အလှူရှင် ဖိုရမ်တစ်ခု တွင် ဖြန့်ချိခဲ့သည့် တရားဝင် စာရွက်စာတမ်း တစ်ခုအရ  သိရှိရသည်။


Ref;AFP/al, http://www.channelnewsasia.com
Continue Reading | comments
 
Copyright © 2012. WUNPAWNG . All Rights Reserved
Wunpawng Online News Powered by WUNPAWNG