WunPawng

 ကခ်င္လူထုတဦး ေပးပို ့

Anhte a kanu mungdan hta byin nga ai majan gaw myusha yawng hte seng ai majan re majaw chyurum ai annau ni shada da myit masin machyi hkat na aten du mani ai. Dai majaw  maigan mungdan shara shagu hta shanu chyam bra nga ai chyurum ai annau ni yawng tinang lu ai atsam ai hte shanglawm na aten ( galaw na nan galaw ai ten ) rai mani ai.

Tinang du nga ai mungdan kaw ya ten byin nga ai anhte myusha ni mabyin lam hte seng nna, gara hku shanglawm galaw sa wa na ngu ai hpe anhte rau jawm bawngban la ga ai.

Ndai aten annau ni shada da moi ten shut hkat mat wa sai ningmu hpe tsun chyai nga  na aten nrai sai, hpa majaw nga yang, annau ni gaw  labau, htunghkring maka kumla yawng bung ai ni rai ga ai, dai majaw dai ni annau ni hpe shamyit kau na matu gasat gala nga ai tai hpyen wa gaw annau ni a matu jinghku nmai shatai ai, labau nrum ai ni rai ma ai.

Ndai ten anhte a lamu ga hta tai hpyen wa kawn lu ai lak nak yawng hte ( gang hkau majan hku na mung htim gasat nga ai sha n'ga mara kata anhte a sai daw chyen ni hpe mung sinat kaba gap bun ya nna, majoi sat kau ya ai lam ni gaw annau ni yawng hpye shamyit kau na masing re hpe chye na na ra sai.Dai majaw yawng WP sha ni a labau maka tsawm wa na matu gaw nang ngai yawng hta lit nga ai, nang lu da ai atsam, machye machyang, n'gun lagaw mahkra myusha a matu jai lang ai lam nnga jang nang ngai hpe  WP sha sa tai na matu Karai Kasang jaw da ai magam lit hpe koi yen kau ai ni  tai wa na ga ai.

Anhte myu a gam maka hpe anhte nan daw dan hparan la na aten rai sai. Dai majaw dai ni maigan mungdan shara shagu hte tinang kanu mungdan bai nna, ( Gala mungdan hte Miwa gumsan magam mungdan hkan shanu nga ai Jinghpaw wunpawng myusha yawng gaw lit lu ai ni rai saga ai.

UN, American, kaga mungdan kaba ni kawn dai ni annau ni hkrumsha nga ai tsinyam hpe myit grai myit tsang ai ngu tsun ai hta lai nna, kadai mung annau ni hpe nnga sai. 

Dai majaw anhte lu  galaw ai atsam hte anhte myu a gam maka hpe lawan dik shanglawm shakut sa wa ga,  asak hkrung ai Hpan madu Karai Kasang kaw matut  ndi kyu hpyi shanglawm ai hku mung myusha lam yan hpe  gaw sharawt la ga , ndai majan gaw anhte myusha ni hpe mungkan mungdan jut shara shagu Asak Hkrung ai Karai Kasang shi a hpung shingkan hpe shadan dan mayu ai majaw, WP shani hpe jai lang ai majan rai  uga!  ngu yawng hpe saw lajin dat nngai. May God bless KIO/ KIA and it alliance ABSDF  and all others those who are helping the Kachin People.