နောက်လေးနှစ် ခရီးဆက်မည့် အိုဘားမားနှင့် တွေ့ ဆုံခြင်း

မူလတန်းကျောင်းက ကလေးငယ်များ တိုက်ခိုက်ခြင်း မခံရမီ ရက်ပိုင်းအလိုက မဂ္ဂဇင်းမှ အယ်ဒီတာများနှင့် အမေရိကန် ပြည်ထောင်စု၏ သမ္မတအဖြစ် နောက် ထပ်လေးနှစ် ဒုတိယ သက်တမ်း တာဝန် ထမ်းဆောင်ရန် ရွေးချယ်ခြင်း ခံရသော ဘားရက်အိုဘားမားအား သွားရောက် တွေ့ဆုံခဲ့ကြသည်။ ကလေးငယ်များ တိုက်ခိုက်ခြင်း မခံရသေး မီ ဖြစ်ခြင်းကြောင့် ပြုံးရွှင် ရယ်မောနေသော သမ္မတ၏မိသားစုနှင့် ဓာတ်ပုံများကို ဓာတ်ပုံဆရာ ပီတာယမ်းက မှတ်တမ်းတင် ခဲ့ပါသည်။ ဒီဇင်ဘာလ ၃၁ ရက်နေ့ ထုတ် မဂ္ဂဇင်းတစ်စောင်တည်း တွင်သာ ဖော်ပြခွင့်ရခဲ့သော အင်တာဗျူး ကို မြန်မာအင်ဒီပဲန်ဒင့်ဂျာနယ် စာဖတ်ပရိသတ်များအတွက် တင်ပြပေး လိုက်ပါသည်။

ရက်ရှည် အားလပ်ရက်များ အပြီး  တစ်ခုသော နံနက်ခင်းတွင် သမ္မတ ဘားရက်အိုဘားမားနှင့် ဇနီးသည် မစ်ရှဲလ် အိုဘားမားတို့သည် အွန်လိုင်းပေါ်တွင် လက်ခံတွေ့ဆုံ စဉ်က ပြက်လုံးတစ်ခု ပြောခဲ့သော ၅ နှစ်သား အရွယ် ကလေးငယ်၏ ပြက်လုံးကို ပြန်လည်သတိရကြရင်း ရယ်မောနေ မိခဲ့ကြသည်။ လူပေါင်းများစွာနှင့် သူတို့ ဇနီးမောင်နှံ တွေ့ဆုံခဲ့ ကြသည် ဖြစ်သော်လည်း ၅ နှစ်အရွယ် ကလေးငယ်၏ ပြက်လုံးမှာ သူတို့ ဇနီးမောင်နှံ အတွက် ပြက်ပြက်ထင်ထင် ရှိခဲ့သည်။  မဂ္ဂဇင်း အုပ်ချုပ်မှု အယ်ဒီတာဖြစ်သူ လယ်ရီဟက်ကက်၊ ဝါရှင်တန်မှ ပင်တိုင်ဆောင်းပါးရှင် တစ်ဦးဖြစ်သူ စန္ဒြာတို့နှင့် တွေ့ဆုံကြရာတွင်လည်း သမ္မတသည် သူ့ရင် သွေးငယ်များ ငယ်ဘဝ ကို ပြန်ပြောပြရင်း သဘောကျနေခဲ့သည်။ ထိုသို့ တွေ့ဆုံပြီးနောက် ၈ ရက်အကြာ ဒီဇင်ဘာလ ၆ ရက်နေ့တွင်မူ Newtown တိုက်ခိုက်မှုပေါ်ပေါက်ခဲ့သဖြင့် သမ္မတက “ကျွန်တော်တို့ နှလုံးသားတွေ ကွဲကြေကုန်ပါပြီ”ဟုဆိုခဲ့သည်။ လွန်ခဲ့သည့် ရက်သတ္တပတ် နှစ်ပတ်က တွေ့ဆုံခဲ့ရာတွင် သမ္မတနှင့် စကားဝိုင်းသည် စီးပွားရေး အကြောင်းအရာ များ ဖြစ်ခဲ့ပြီး ယခုတစ်ပတ် စကားဝိုင်းတွင်မူ ခေါင်းစဉ်ပြောင်း သွားပြီး “ကျွန်တော်တို့ ဒီလိုအကြမ်းဖက်တဲ့ ကိစ္စတွေနဲ့ ပတ်သက်ပြီး ထိန်းချုပ်နိုင်တဲ့ အင်အား မရှိတော့သလို ဖြစ်နေတယ်။ နိုင်ငံရေးက အဲဒီလောက် ရှုပ်ထွေးနေ သလား။ နောင်မှာ ဒီလိုမဖြစ်ရအောင် ကျွန်တော်တို့ အများကြီး ကြိုးစားရလိမ့်မယ်”ဟု အိုဘားမားက ဆိုခဲ့သည်။

စကားဝိုင်း စရာတွင် အယ်ဒီတာများက နာမည်ကြီးနေသည့် လင်ကွန်း ရုပ်ရှင်ဇာတ်ကားနှင့် ပတ်သက်၍ စတင်ဆွေးနွေး ခဲ့သည်။

People ။        ။ လင်ကွန်း ရုပ်ရှင်ဇာတ်ကားမှာ လူတစ်ယောက်က သူ့ရပ်တည်ချက် တွေကနေ သွေဖည်ပြီး ကောင်းတဲ့ ဘက်ကို ရှေးရှုသွားတယ်လို့ တွေ့ရ ပါတယ်။ စာဖတ်ပရိသတ်တစ် ယောက်ဖြစ်တဲ့ နယူးယောက် မြို့မှ Daphne ဆိုသူက မဂ္ဂဇင်းက တစ်ဆင့် သမ္မတကြီးကို မေးလိုတာက ဒုတိယသက်တမ်းကို ဘယ်လိုသွား မယ်လို့ စိတ်ကူးထား ပါသလဲ။ လင်ကွန်း ရုပ်ရှင်ဇာတ်ကားက ပေးတဲ့ အသိကို သမ္မတကြီးအနေနဲ့ ဘယ် လောက်များ အတုယူထားပါသလဲ လို့ မေးထား ပါတယ်။

အိုဘားမား ။     ။ အမေရိကန် ပြည်ထောင်စုရဲ့ သမ္မတ ဖြစ်တာတော့ မှန်ပါတယ်။ ဒါပေမယ့် သမ္မတကြီး လင်ကွန်းနဲ့ တော့ မနှိုင်းယှဉ်သင့်ဘူး ထင်တယ်။ (ရယ်ပါတယ်) ဒီရုပ်ရှင်ကားက စိတ်ကူးနဲ့လက်တွေ့ ဘယ်လိုမျှတအောင် ထိန်းညှိပေးရမယ် ဆိုတာကို ပြထားပါတယ်။ ကွန်ဂရက်နဲ့ တွေ့ဆုံရာမှာ ကျွန်တော် ဒီအကြောင်း ပြောခဲ့ပြီး အမေရိကန် ပြည်သူများရဲ့ ကျန်းမာရေးနဲ့ ပတ်သက်တဲ့ ဥပဒေကြမ်းကို ခွင့်ပြုခဲ့ပါတယ်။ ကျွန်တော် ခရီး ဆက်ရမယ့် နောင်လေးနှစ် ကာလအတွက် လည်း ပြည်သူတွေ အနေနဲ့ အဓိပ္ပာယ်ကောက် မလွဲမှား စေချင်ကြ ပါဘူး။ ဆိုလိုတာက နောင်လေးနှစ်မှာ လုပ်ဆောင်မှာတွေက ပြီးခဲ့တဲ့ လေးနှစ်သက်တမ်းနဲ့ ချိန်ထိုးမသွားစေ ချင်ပါဘူး။

People ။        ။ ဒီလိုဆိုရင် အခုလောလောဆယ်မှာ ဝေဖန်နေကြတဲ့ ကွန်ဂရက်နဲ့ ညှိနှိုင်းတဲ့ကိစ္စက တရားမျှတမှု မရှိဘူးလို့ ဆိုလိုချင်ပါသလား။ သမ္မတကြီး အနေနဲ့ ဒီလိုညှိနှိုင်းမှုက တိုးတက်မှု ရစေမယ်လို့ ယုံကြည်ပါသလား။

အိုဘားမား ။     ။ ဝါရှင်တန်မှာ လွန်ခဲ့တဲ့လေးနှစ်က ပေါ်ပေါက်ခဲ့တဲ့ ပြောင်းလဲ ရွေ့လျားမှုက အငြင်းပွားဖွယ် ကောင်းလောက် အောင် ဖြစ်ခဲ့ပါတယ်။ ကျွန်တော့် အနေနဲ့ကတော့ ကျွန်တော် တတ်နိုင်သလောက် ရည်မှန်းချက်များ ပြီးမြောက် အောင် လုပ်ဆောင်သွား မှာပါ။ အဲဒီလိုပြီးမြောက်အောင် ကျွန်တော် တစ်ယောက်တည်း ပြီး မြောက်အောင် လုပ်လို့ရမှာ မဟုတ်ဘဲ ဝါရှင်တန် အစိုးရနဲ့ အမေရိကန် ပြည်သူလူထု ပါဝင်ဖို့လိုပါတယ်။  လင်ကွန်း ပြောခဲ့တဲ့ ဂန္ထဝင်စကား တစ်ခု ရှိပါတယ်။ “ပြည်သူ လူထုရဲ့ ဆန္ဒ၊ ပြည်သူလူထုရဲ့ စိတ်ကူးဉာဏ် မပါဘဲနဲ့ ဘာမှ ပြီးမြောက်အောင် လုပ်လို့ မရဘူး”ဆိုတဲ့စကားပါပဲ။ အခု ကျွန်တော်ကလည်း ဒီစကားကိုပဲ ထပ်ပြောချင် ပါတယ်။ အရာရာမှာ ပြည်သူလူထုရဲ့လိုအပ်ချက်ဟာ အဓိကဖြစ်ပြီး ပြည်သူများရဲ့အသံကို ကျွန်တော်တို့ နားစွင့်ရမှာပဲ။

People ။        ။ မစ္စစ် အိုဘားမားကို မေးချင်ပါတယ်။ လမ်းပေါ်က ပြည်သူတွေရဲ့ အသံတွေကို နားစွင့်တဲ့ နေရာမှာ သမ္မတကတော် တစ်ယောက်အနေနဲ့ စံပြဖြစ်လောက်အောင် ရှိနိုင်ပါသလား။

မစ်ရှဲလ်  ။        ။ ကျွန်မက အပြောနဲ့တင် အလုပ် လုပ်တဲ့သူ မဟုတ်ပါဘူး။ ဘယ်နေရာမဆို လက်တွေ့လုပ် ပြတတ်ပါ တယ်။ ကျွန်မမှာရှိသလောက် အခွင့် အာဏာနဲ့ ကလေးသူငယ်များ ကိစ္စကို လုပ်ဆောင်ပေးချင်တယ်။ ကျွန်မတို့ ရည်မှန်းချက်က နောင်လာမယ့် မျိုးဆက်သစ်တွေ အတွက် ရည်မှန်းထားတာဖြစ်လို့ အခုအချိန်ထိ ဘာမှ မလုပ်နိုင်သေး ပါဘူး။ အဲဒီနည်းတူ တပ်မတော် ဝန်ထမ်းများရဲ့ ပါရမီ ဖြည့်ဖက်များ မိသားစုများကိစ္စကို လည်း ကျွန်မတို့ မလုပ်ရသေးပါဘူး။ တခြားပြဿနာတွေ ဖြေရှင်းနေရတာနဲ့ပဲ အဲဒီဘက်တွေကို မလှည့် နိုင်ခဲ့သေးတာပါ။ ဒါကြောင့် ကျွန်မ ခင်ပွန်းသည် နောက်ထပ်လေးနှစ် တာဝန်ဆက်ပြီး ထမ်းဆောင်ခွင့် ရတာကို ဝမ်းသာမိပါတယ်။ ကျွန်မ က သမ္မတအတွက် အလုပ်လုပ်ပေး ရတဲ့သူပါ။ ဒါကြောင့် လုပ်ရမယ့် အလုပ်တွေကိုဆက်လုပ်သွားမှာပါ။

အိုဘားမား ။     ။ ဒီနေရာမှာ ရှင်းရှင်းလင်းလင်း ပြောရဦးမယ်။ မစ်ရှဲလ်က ကျွန်တော့်အတွက် သူ အလုပ်လုပ် ရတယ်လို့ ပြောသွားတာက အများပြည်သူရဲ့မြင်ကွင်းမှာပါ။ (ရယ်သံများ)

မစ်ရှဲလ်  ။        ။ ဟုတ်ပါတယ်။ အိမ်မှာတော့ မဟုတ်ဘူးရှင့်။

အိုဘားမား ။     ။ ဒါကတော့ သူ့နေရာနဲ့သူ စည်းခြားထားတာ ရှိတာပေါ့။

People ။        ။ ရွေးကောက်ပွဲ ညတုန်းက သမ္မတကြီး ဒုတိယသက်တမ်း အတွက် အရွေးခံလိုက်ရပြီဆိုတာ သိလိုက်ရတော့ မိသားစုအနေနဲ့ ဘယ်လိုခံစားရပါသလဲ။

မစ်ရှဲလ်  ။        ။ ရွေးကောက်ပွဲ ညကတော့ အားလုံး ရင်ထိတ်ကြရတဲ့ ညပါပဲ။ အိမ်တော်မှာ မိတ်ဆွေတွေ၊ မိသားစုဝင်တွေ အားလုံး အဖြေကို စောင့်ဆိုင်းနေကြတယ်။ ကလေးတွေ ကလည်း “မာမီ…ဒက်ဒီ နိုင်မှာလား” မေးကြတော့ “သမီးတို့ စိတ်အေးအေးထား၊ နိုင်မှာပါ”လို့ နှစ်သိမ့်ပေးခဲ့ရတယ်။

အိုဘားမား ။     ။ အဲဒီညက ဘာနဲ့ တူသလဲဆိုတော့ ကျွန်တော်တို့ မင်္ဂလာ ဆောင်တဲ့ညနဲ့ တူတယ်။ ဧည့်ခံပွဲမှာ အားလုံးပျော်နေ ကြတော့ တချို့အမျိုး တွေကို အသောက် မလွန်အောင် ထိန်းရတာမျိုးပေါ့။

People ။        ။ စာဖတ်သူတစ်ဦး ဖြစ်တဲ့ အင်ဂျလီနား ပီရက်ဇ်က မေးထားတာ ရှိပါတယ်။ သမ္မတကြီးရဲ့ သမီးတွေ အနေနဲ့ အရွယ်ရောက်လာတဲ့ အခါမှာ ဘာတွေများ ဖြစ်ချင်ကြသလဲလို့ မေးထားပါတယ်။

မစ်ရှဲလ်။          ။ သမီးကြီး မလီယာ ကတော့ ရုပ်ရှင်ထုတ်လုပ်ရေးကို ဝါသနာပါတယ်။ သူက သူ့အဖေ လိုပဲ စာသိပ်ဖတ်တယ်။ ရုပ်ရှင်တွေ လည်း ကြိုက်တယ်။ ဒါပေမဲ့ အခု အသက်အရွယ် ငယ်သေးတော့ တက္ကသိုလ် ရောက်တဲ့ အခါမှာ သူ့ဝါသနာ ပြောင်းချင်ပြောင်းသွားမှာပါ။ သမီးငယ် ဆာရှာကတော့ နာရီပိုင်း အတွင်းမှာ ဝါသနာ ပါတာတွေ ပြောင်းပြောင်းသွား တတ်တာကြောင့် သူ ဘာဝါသနာပါတယ် ဆိုတာကို သူ့ကိုယ်သူတောင် မသေချာသေးပါဘူး။ ကျွန်မအနေနဲ့ သမီးတွေကို မိဘများနဲ့ တတ်နိုင်သလောက် ပွင့်ပွင့်လင်းလင်း ရှိစေချင်တာ ပါပဲ။

People ။        ။ မလီယာက နောက်သုံးနှစ်ဆိုရင် တက္ကသိုလ်တက်ဖို့ မိသားစုနဲ့ ခွဲသွားတော့မှာဆိုတော့ အခုလို မိသားစု စုံစုံညီညီရှိတုန်းမှာ ဘာ တွေများ လုပ်ချင်တယ် လို့ စိတ်ကူး ရှိပါသလဲ။

အိုဘားမား ။    ။ ကျွန်တော်တို့က မိသားစုလိုက်ခရီးသွားချင်ကြတယ်။ ကျွန်တော်ကတော့ သမ္မတ တစ် ယောက် အနေနဲ့ ပြည်ပ ခရီးတွေ သွားနေရပေမယ့် မိသားစုနဲ့ သွားဖို့ အခွင့်အရေး မရသေးပါဘူး။ သူတို့ ကလည်း ခရီးသွားဝါသနာပါကြ တယ်။ မိသားစု စုံစုံညီညီသွားရရင် တော့ ပျော်စရာအင်မတန်ကောင်းပါ တယ်။ ကျွန်တော့် သမီးတွေက အရာ ရာကို စိတ်ဝင်တစားနဲ့ လေ့လာတတ် တဲ့သူတွေလည်း ဖြစ်ပါတယ်။

မစ်ရှဲလ် ။  ။ ပြီးတော့ သူတို့က သံတမန်ကောင်းတွေလည်း ဖြစ်ကြပါတယ်။ ကျွန်မက သမီးတွေနဲ့အတူ ကမ္ဘာ့နိုင်ငံ အသီးသီးမှာ ရှိတဲ့ ပန်း ဥယျာဉ်ကြီးတွေ ကို ရောက်ဖူးချင် တယ်။ အလည် သက်သက် မဟုတ် ပါဘူး။ သဘာဝ ကပေးတဲ့ အရင်းအမြစ်တွေကို လေ့လာချင်လို့ပါ။

People ။        ။ သမ္မတကြီးက ပြက်လုံး ထုတ်ဖူးတယ်။ သမီးကြီး မလီယာ အနားကို ယောက်ျားလေးတွေ မကပ်နိုင်အောင် လျှို့ဝှက် ထောက်လှမ်းရေးတွေ ချထားတယ် ဆိုတာလေ။ ဒီလို လုပ်ပေးဖို့ သမီးက တောင်းဆို ခဲ့တာလား။

အိုဘားမား ။     ။ တကယ်တော့ သမီးက ကျွန်တော် ဘာပြောပြော သိပ်အာရုံထားတတ်တာ မဟုတ်ပါဘူး။ (ရယ်ပါတယ်) ကျွန်တော် ကံကောင်းတာက ကျွန်တော့် သမီးတွေ က သူတို့အမေကို သူတို့ဘဝရဲ့စံ အဖြစ်နဲ့ သတ်မှတ်ထားကြတယ်။ သူတို့အမေကို ကျွန်တော်က ချစ်ချစ်ခင်ခင် ဆက်ဆံတဲ့အပြင် လေးလေးစားစား လည်း ဆက်ဆံတယ်ဆိုတာကို သူတို့ သိထားကြတယ်။ ဒါကြောင့် သူတို့အလှည့်ကျရင်လည်း ကျွန်တော့်လို ဇနီးသည်အပေါ်မှာ လေးလေးစားစား ဆက်ဆံတဲ့ သူမျိုးကိုသာ သူတို့ရွေးချယ်လိမ့်မယ် ထင်ပါတယ်။ ဒါကြောင့် ကျွန်တော့် အနေနဲ့ သူတို့အနာဂတ်အတွက် စိတ်ပူစရာ သိပ်မရှိပါဘူး။ သမီးတွေ နားမကပ်အောင် လျှို့ဝှက် ထောက်လှမ်းရေး ချထားတယ်ဆိုတာ ကျွန်တော် နောက်တာပါ။ အဲဒီလိုလုပ်ဖို့ ကျွန်တော့်သမီးတွေက မလိုအပ် ပါဘူး။

မစ်ရှဲလ် ။         ။ ကိုယ့်ကိုယ်ကို ထိန်း နိုင်တာက အကောင်းဆုံးပါပဲ။

အိုဘားမား ။     ။ ဘယ်သူပဲဖြစ်ဖြစ် ကိုယ့်ကိုချစ်ခင်တဲ့အပြင် လေးစား မှုအပြည့်ရှိတဲ့သူကို လိုလားမှာပါ။ အဲဒီစိတ်ဓာတ်က သမီးတွေဆီမှာ ရှိ ပြီးသားဖြစ်နေပါပြီ။ ဒါကြောင့် ချစ်သူထားတဲ့အရွယ်ရောက်လာရင် သမီးတို့က ဒီစိတ်နဲ့ပဲ ရွေးချယ်လိမ့် မယ်ထင်ပါတယ်။

People ။        ။ သမီးတွေက သူတို့ကြင်ဖက်ရွေး သွားတဲ့အခါကျရင် ဘယ်လိုများ ခံစားရမယ် ထင်ပါသလဲ။

အိုဘားမား ။     ။ သမီးတွေ ကျွန်တော်တို့ကို ထားရစ်ပြီး လမ်းခွဲသွားမယ့် အချိန်ကျရင် ကျွန်တော်တို့ အသည်းကွဲရမယ် ထင်တယ်။ အချိန်တန် အရွယ်ရောက်ရင်တော့ ဒီလိုပဲ ဖြစ်မှာပါ။ အဲဒီအချိန် မတိုင်ခင်မှာတော့ ကျွန်တော်တို့ဟာ သမီးတွေကို အရိပ်တကြည့်ကြည့် စောင့်ရှောက်ရတဲ့သူတွေပေါ့။ မလီယာက နောက် လေးနှစ် ဆိုရင် တက္ကသိုလ် တက်တော့မှာ ဆိုတော့ ကျွန်တော်တို့နဲ့ ခွဲသွားလိမ့်မယ်။ အဲဒီအချိန်ကို တွေးမိရင် တောင် ကျွန်တော် ဝမ်းနည်းမိတယ်။ သမီးတွေနဲ့ အတူနေရတဲ့အချိန်ဟာ တစ်မိနစ်ထက် တစ်မိနစ်နည်းလာ ပြီပေါ့။ တစ်ချိန်ချိန်မှာတော့ လမ်းခွဲရမှာပေါ့လေ။ ဒါကြောင့် မိသားစု အတူနေရတဲ့အချိန်ဟာ ကျွန်တော့် အတွက်တော့ အင်မတန် အဖိုးတန်တဲ့ အချိန်ပါ။ အချိန်တွေကလည်း ကုန်တာ အင်မတန် မြန်ပါတယ်။

မေးလိုက်တဲ့ မေးခွန်းက သမ္မတကြီးကို စိတ်အနှောင့်အယှက် ပေးလိုက်သလို ဖြစ်သွားပြီ ထင်တယ်။ ရယ်စရာလေးတွေ ပြောကြ ရအောင်ပါ။ အခုတလော သမ္မတကြီး ခေါင်းထဲမှာ ဘယ်သီချင်းများ ရောက်နေ ပါသလဲ။

အိုဘားမား ။     ။ ချာလီဘရောင်း ခရစ္စမတ်သီချင်း ခေါင်းထဲ ရောက်နေတယ်။

မစ်ရှဲလ် ။         ။ ဟုတ်တယ်။ ကျွန်မတို့ မကြာခဏ ဆိုဖြစ်နေတယ်။

(အိုဘားမားနှင့်မစ်ရှဲလ်) ။                   ။ Christmas time is here…

အိုဘားမား ။     ။ အဲဒီသီချင်းဆိုရင်း ကျွန်တော်တို့က ချာလီဘ ရောင်း ဇာတ်ကောင်ပုံစံအတိုင်း လိုက်လုပ်ကြတယ်။

မစ်ရှဲလ် ။         ။ အဲဒီနေရာကတော့ ကျွန်မအကြိုက်ဆုံးအခန်းပဲ။ အခုဆို ရင် မလီယာကလည်း စန္ဒရားနဲ့ အဲဒီ သီချင်းကို တီးတတ်အောင် နေ့တိုင်း လေ့ကျင့်နေတယ်။

People ။        ။ ရုပ်ရှင်ကားတွေထဲက ဘယ်ကားတွေများ ထပ်ကြည့်ချင်ပါသလဲ။

(အိုဘားမား)။   ။ Beasts of the Southern Wild ဇာတ်ကားကို သဘောကျတယ်။ ဒီကားကို ကျွန်တော့် မိတ်ဆွေတွေ၊ တူမတွေနဲ့ ကြည့်ခဲ့တာ။ တူမတစ်ယောက်က ဆိုရင် အသက် ၄ နှစ်ပဲ ရှိသေးတယ်။ သူတို့ အားလုံး ဒီကားကို ကြိုက်ကြတယ်။ ဇာတ်ကားကလည်း ကောင်းတယ်ဗျ။ ကျွန်တော်တို့က ဒီဇာတ်လမ်းကို စာအုပ်အဖြစ်နဲ့ ဖတ်ဖူးတာ။ Life of Pi ဇာတ်ကားလည်း ကောင်းတာပဲ။ အဲဒီကားမှာ ဘင်အက်ဖလက် တော်တော် ကောင်းတယ်။

People ။        ။ ကလေးတွေလည်းကြိုက်တယ်။  သမ္မတကြီးလည်း ကြိုက်တယ်။ ဒါပေမဲ့ ကိုယ်ကြိုက်တာကို ကလေးတွေ အသိပေးဖို့ ဝန်လေးနေတဲ့ကိစ္စ များ ရှိပါသလား။

အိုဘားမား ။     ။အဲဒီလို မရှိပါဘူး။  ကျွန်တော်တို့ မိသားစုက ပွင့်ပွင့် လင်းလင်းပါပဲ။ ဥပမာ Gangnam Style ဆိုရင် ကျွန်တော်လည်းကြိုက် တာပဲ။

အဲဒီသီချင်းနဲ့ လိုက်များက သေးသလား။

မစ်ရှဲလ် ။         ။ ကတော့ မကဖြစ်ပါ ဘူး။ ရှက်စရာကြီး။

အိုဘားမား ။     ။ ကျွန်တော်ကတော့ ကတယ်ဗျ။ ခင်ဗျားတို့ရှေ့မှာတော့ ကမပြဘူးနော်။

People ။        ။ မနေ့ညက အိပ်ရာဝင်မှာ ဘာစာအုပ်များ ဖတ်ဖြစ်ပါသလဲ။

မစ်ရှဲလ် ။         ။ စာမဖတ်ဖြစ်တာ ၉ လလောက် ရှိပါပြီ။ ဖတ်စရာစာအုပ်တွေ စုရဦးမယ်။ အားလပ်ရက် အပန်းဖြေချိန် ကျမှ ကောင်းကောင်းဖတ်နိုင်မယ် ထင်တယ်။ ကျွန်မကလည်း စာဖတ်လိုက်ပြီဆိုတာနဲ့ အားလုံးကို မေ့ သွားတော့တာလေ။

အိုဘားမား ။         ။ ရွေးကောက်ပွဲ အတွက် မဲဆွယ်ပွဲတွေ လုပ်နေရတဲ့ ကာလတုန်းကတော့ မရပ်မနား အလုပ်လုပ်နေရတာဆိုတော့ အရမ်း ပင်ပန်းပြီး စာမဖတ်နိုင်ခဲ့ဘူး။ အိပ်ရာ ဝင်ခါနီးမှာ အားကစားသတင်း လောက်ပဲ ကြည့်နိုင်ခဲ့တယ်။ မနေ့ ညကတော့ စာဖတ်ဖြစ်တယ်။ အခု လေးနှစ်သက်တမ်းမှာ လုပ်စရာ အလုပ်တွေကလည်း အများကြီးဆို တော့ စာဖတ်ဖို့ အချိန်တော်တော်လု ရလိမ့်မယ်။

မစ်ရှဲလ်။         ။ ရွေးကောက်ပွဲပြီးတဲ့ နောက် အခုလို ဝမ်းနည်းစရာကိစ္စ ပေါ်လာတော့ ကျွန်မတို့ စိတ်ထိခိုက် ရပါတယ်။ ကျွန်မတို့ ဗုဒ္ဓဟူးနေ့ ညကမှ ပြန်ရောက်တာ ပါ။ ပြန်ရောက်တော့ ရှင်းစရာရှိတာတွေ ရှင်း၊ သမီးတွေက ကျောင်းသွား၊ ကျွန်မကလည်း လုပ်ငန်းခွင် ဝင်ရတာဆိုတော့ သူနဲ့ မနက် ကော်ဖီသောက် ချိန် လောက်သာ ဆုံဖြစ်ကြတယ်။ အဲဒီ အချိန်ကျရင် သူက ညတုန်းက ဖတ် ဖြစ်တဲ့ စာအုပ်အကြောင်း ပြောပြ တတ်ပါတယ်။

အိုဘားမား ။         ။ အခု ကိုယ်က တိုနီမော်ရစ်ဆင်ရေးတဲ့  Home ကို ဖတ်နေတယ်။

မစ်ရှဲလ် ။         ။ ဘယ်လိုနေလဲ။

အိုဘားမား။         ။ ကောင်းတယ်၊ ကိုယ်တော့ ကြိုက်တယ်။

မစ်ရှဲလ် ။         ။ ရှင် ဖတ်ပြီးရင် ကျွန်မကို ပေးဦး။

People ။         ။ ဂရမ်မီဆု ထားဖို့ နေရာစီစဉ်ထားပြီးပြီလား။

မစ်ရှဲလ် ။         ။ အို…ရှင်တို့ ကြားပြီးပြီလား။

အိုဘားမား။         ။  မင်းက ဘာအတွက် ဂရမ်မီ ဆန်ခါတင် ဝင်တာလဲ။

မစ်ရှဲလ် ။         ။ ရှိတာပေါ့။

အိုဘားမား။         ။ ပြောပါဦး၊ ဘာအတွက်လဲ။

မစ်ရှဲလ် ။         ။ ကျွန်မက ဥယျာဉ်ခြံမြေနဲ့ ပတ်သက်ပြီး American Grown ရေးခဲ့တာလေ။ အဲဒါကို အသံထွက် ဖန်တီးလိုက်တော့ ဂရမ်မီ ဝင်တာပေါ့။

အိုဘားမား။         ။ သြော်…ကိုယ့်လို နှစ်ခုရရင်တော့ ပြောလေ။

မစ်ရှဲလ် ။         ။ ဟင်း…ဟင်း… ပြောပါ့မယ် ရှင်။

နောက်ဆုံး မေးခွန်းတစ်ခု မေးပါရစေ။ နောက်နှစ် ဒီအချိန်ကျရင် တိုင်းပြည်မှာ ဘာတွေများ ပြောင်းလဲသွား မလဲ။

အိုဘားမား။       ။ ကျွန်တော် ကြိုးစား သွားမှာပါ။ အဲဒီအချိန်ကျရင် ရီပတ်ဗလီကန်တွေရော၊ ဒီမိုကရက်တွေကပါ တညီတညာတည်း “ကျွန်တော်တို့ တိုင်းသူပြည်သားတွေ အပေါ်မှာ အခွန်အတုတ် များများ ဆောင်စေတာ ကို လျှော့ချချင်တယ်။ လူ့အဖွဲ့အစည်းကြီး တစ်ခုလုံး တိုးတက်ကောင်းမွန်လာဖို့အတွက် ပညာရေးမှာ ရင်းနှီးမြှုပ်နှံ မှုတွေ ပိုပြီး လုပ်ချင်ပါတယ်။ လမ်းတွေ၊ တံတားတွေ၊ လေဆိပ်တွေ တိုးတက်ကောင်း မွန်အောင် ဆောင်ရွက် ချင်တယ်။ တိုင်း ပြည်အတွက် စွန့်လွှတ် စွန့်စားသူတွေ ကိုလည်း စောင့်ရှောက်မှု အပြည့်အဝ ပေးချင်ပါတယ်။ အမေရိကန်ပြည်ထောင်စုဟာ နောက်ရာစုနှစ် တစ်ခုမှာလည်း ကမ္ဘာမှာ ဦးဆောင်တဲ့ တိုင်းပြည်အဖြစ် ဆက်လက် ရပ်တည်နိုင်အောင် ဆောင်ရွက်ချင်ပါတယ်”လို့ အတူတူပြောလာနိုင်အောင်ထိ ဆောင် ရွက်ချင်ပါတယ်။ ခင်ဗျားတို့က လင်ကွန်းဇာတ်ကားကနေ ကျွန်တော် ဘာတွေများ သင်ခန်းစာရယူနိုင်သလဲ လို့ မေးခဲ့တယ်နော်။ ဒီလိုမေးလိုက်တာက ကျွန်တော့်အတွက် သတိပေးလိုက်သလိုပါပဲ။ ဒီမိုကရေစီဆိုတာ အင်မတန် ခက်ခဲပါတယ်။ ဒါပေမဲ့ ဒီစနစ်က အကောင်းဆုံးစနစ် ဖြစ်တဲ့အတွက် လူတိုင်းပါဝင် စိတ်ကူးယဉ် နိုင်တဲ့ စနစ်တစ်ခုလည်း ဖြစ်ပါတယ်။

အိုဘားမား မိသားစုနှင့် People မဂ္ဂဇင်းတို့ တွေ့ဆုံခန်းကို ဖတ်လိုက်ရချိန်တွင် ကျွန်တော်ရရှိလိုက်သည့်  အတွေးများက လက်ရှိကျွန်တော်တို့ နိုင်ငံအခြေအနေနှင့် ထင်ဟပ်စဉ်းစား  မည်ဆိုလျှင်…

ဝင်းငြိမ်း