အိန္ဒိယနိုင်ငံအနေနဲ့ မြန်မာနိုင်ငံအပါအဝင် မည်သည့်
နိုင်ငံခြားတိုင်းပြည်ကိုမှ လက်နက် တစုံတရာ ရောင်းချခဲ့ခြင်းမရှိပါဖူးလို့
အိန္ဒိယ စစ်တပ်ထိပ်တန်း အရာရှိတဦးက ပြောကြားလိုက်ကြောင်း ဒီကနေ့ ဒီဇင်္ဘာလ ၁၆
ရက်နေ့ထုတ် The Times of India သတင်းစာမှာ ဖော်ပြထားပါတယ်။
ထိုင်း-မြန်မာနယ်စပ်တွင် တပ်စွဲထားသော မြန်မာ
စစ်အစိုးရ တပ်စခန်းတခုမှ စစ်သားများ ထိုင်းပိုင်နက် နယ်မြေထဲသို့
မှန်ပြောင်းဖြင့် ကြည့်ရှုနေပုံ ဖြစ်ပါသည်။
ကချင်ပြည်နယ်မှာ မြန်မာတပ်သားတွေ ကျန်ရစ်ခဲ့တဲ့ ဆွီဒင်နိုင်ငံလုပ်
Carl Gustaf M3 တင့်ကားဖျက်ရိုင်ဖယ်တစ်လက်အပေါ်က နံပါတ်ကို ဆွီဒင်အစိုးရက
စစ်ဆေးခဲ့ရာမှာ အိန္ဒိယနိုင်ငံကို ရောင်းချခဲ့တဲ့ လက်နက်ဖြစ်နေကြောင်း
သိရှိခဲ့ရပြီးနောက် ဆွီဒင်အစိုးရက အိန္ဒိယအစိုးရကို ရှင်းလင်းချက်ပေးဖို့
တောင်းဆိုခဲ့ပါတယ်။
မြန်မာနိုင်ငံကိုရောက်နေတဲ့ အိန္ဒိယနိုင်ငံခြားရေးဝန်ကြီး Salman
Khurshid က မိမိတို့ လက်နက် အရောင်းအဝယ်မလုပ်ကြောင်း အဲဒီသတင်းနဲ့
ပတ်သက်ပြီး စုံစမ်းစစ်ဆေးနေကြောင်း မနေ့က ရန်ကုန်မြို့မှာ ပြောကြားပါတယ်။
0 comments:
Post a Comment